11.08.2026 | 15:11
Ո՞րն է այն իրավական ակտը, որով ՀՀ տարածքը 29,743 քառակուսի կմ է, ո՞ւր կորավ 57 քառակուսի կիլոմետրը. Արթուր Խաչատրյան
Վաչագան Ղազարյանը կմնա կալանքի տակ․ Վերաքննիչ դատարանը մերժել է պաշտպանների բողոքը
Հասարակություն
28.12.2018 | 16:16
Հայաստանի երրորդ նախագահ Սերժ Սարգսյանի թիկնազորի պետ Վաչագան Ղազարյանը կշարունակի մնալ անազատության մեջ։ Այսօր Վերաքննիչ քրեական դատարանը մերժել է Ղազարյանի պաշտպան Արմեն Հարությունյանի բողոքը։
Փաստաբանը Factor.am-ին ասաց, որ միջնորդել էր Առաջին ատյանի դատարանի որոշումը Վաչագան Ղազարյանին կալանավորելու վերաբերյալ բեկանել և նրան գրավի դիմաց ազատ արձակել։ Սակայն դատարանը նշված երկու պահանջներն էլ մերժել է։
Հիշեցնենք, որ Վաչագան Ղազարյանին մեղադրանք էր առաջադրվել դեռևս այս տարվա հունիսին, նա կալանավորվել էր, ապա 1 միլիարդ դրամ գրավով ազատ էր արձակվել։ Երկրորդ անգամ նա կալանավորվեց նոյեմբերի 15-ին և դատարանի այսօրվա որոշմամբ դեռ կշարունակի մնալ կալանավորված։
Լիլիթ Շաբոյան
