26.11.2024 | 12:49
NYMEX. Թանկարժեք մետաղների գները նվազել են
Եթե այդ կոստյումը Ձեր հագով չէ, դա չի նշանակում, որ քաղաքի վրայով էլ չէ. փոխադրող ընկերության ղեկավարը՝ Հայկ Մարությանին. ՏԵՍԱՆՅՈՒԹ
Քաղաքականություն
28.12.2018 | 15:12
Ուղևորափոխադրում իրականացնող ընկերությունների ղեկավարները դժգոհ են հասարակական տրանսպորտի խնդրի կարգավորման ուղղությամբ Երևանի քաղաքապետ Հայկ Մարությանի հիմնավորումներից:
Փոխադրող ընկերություններից մեկի ղեկավար Հրանտ Եղիազարյանը հավատացնում է՝ քաղաքապետը, երբ ասում է, որ չկան հաշվարկներ ուղևորահոսքի հաշվարկման վերաբերյալ, հավանաբար չգիտի, որ այդ թիվը պարզելու համար ընդամենը քաղաքապետարանին հարկավոր էր երկու ամիս:
«Եթե պարոն քաղաքապետը չի ուզում երևանցիների համար նոր արդյունավետ միջոցներ կիրառելով հասնել խնդրի կարգավորման և շարունակում է հավատարիմ մնալ հին տարբերակին, երբ մեր ուղևորները երթևեկում էին «շախմատի ձիու» նման, ապա ամեն ինչ նորմալ է: Կարելի է էսպես էլ շարունակել»,-այսօր հրավիրված մամուլի ասուլիսի ժամանակ իր դժգոհությունը հայտնեց Եղիազարյանը:
Վերջինս նաև հավելեց. «Քաղաքապետը մեզ անվանում է գծատերեր. բայց ամենամեծ գծատերերը իրենք են, գծատերը հենց քաղաքապետարանն է, իսկ մենք կոչվում ենք սպասարկող ընկերության ղեկավարներ, որոնք վարձակալել են երթուղին և սպասարկում են»:
Հրանտ Եղիազարյանի համոզմամբ՝ Երևանի քաղաքացիների տված հարկերի հաշվին 850 հազար եվրո է տրամադրվել անգլիական ընկերությանը, որպեսզի նա մշակի տրանսպորտի խնդրի կարգավորման վերաբերյալ նախագիծ:
«Հիմա ասում են սա պետք չի, ի՞նչ է նշանակում պետք չի, սա շատ լավ փաստաթուղթ է, մեթոդ է այս աշխատանքը կատարելու համար, եթե այդ կոստյումը Ձեր հագով չէ, դա չի նշանակում, որ քաղաքի վրայով էլ չէ: Բարի եղեք, Ձեր մասնագետների հետ խորհրդակցեք, տեսեք դա մի բան արժե՞, թե՝ ոչ. մերկապարանոց հայտարարություններ անել պետք չէ»,- ասաց Եղիազարյանը:
Մանրամասները՝ տեսանյութում:
