11.12.2024 | 21:17
Հակոբ Ասլանյանը փոշմանել է, բայց արդեն ուշ է․ նա հեռացվեց ՔՊ-ից
ԱՄՆ Կոնգրեսը նորից չքվեարկեց 2019 ֆինանսական տարվա բյուջեն
Քաղաքականություն
28.12.2018 | 13:23
ԱՄՆ Կոնգրեսի երկու պալատների անդամները հերթական համատեղ նիստում որևէ քայլ չեն ձեռնարկել՝ վերջ դնելու համար, այսպես կոչված, «շաթդաունին» վերջ դնելու համար: Նշենք, որ այն սկսվել է դեկտեմբերի 22-ին և մասնակի դադարեցրել է դաշնային կառավարության աշխատանքը. գրում է tass.ru-ն:
Օրենսդիր մարմնի երկու պալատները կրկին նիստ կգումարեն դեկտեմբերի 31-ին: Ավելի վաղ Սպիտակ տան բյուջետային վարչության ղեկավար Միք Մալվենին Fox News-ի եթերում ասել էր, որ ԱՄՆ դաշնային կառավարության աշխատանքի դադարեցումը կարող է ձգվել մինչև հունվարի 3-ը՝ Կոնգրեսի նոր նստաշրջանի բացումը:
Ամերիկյան օրենսդիրները մինչև հիմա չեն կարողանում ընդունել 2019 ֆինանսական տարվա բյուջեն, թեև այն սկսվել է դեռևս հոկտեմբերի 1-ին: Հիմնական պատճառը Մեքսիկայի հետ սահմանին պատ կառուցելու համար ֆինանսական միջոցներ հատկացնելու՝ ԱՄՆ նախագահ Դոնալդ Թրամփի պահանջն ու այդ կապակցությամբ դեմոկրատների և հանրապետականների միջև տարաձայնություններն են:
