16.01.2026 | 15:07
Սուրեն Պապիկյանն այցելել է ՊՆ զորամասերից մեկը
Գազի գնի հետ կապված որոշում չկա. Փաշինյանը՝ Պուտինի հետ բանակցությունների մասին
Քաղաքականություն
28.12.2018 | 02:05
Գազի գնի հետ կապված որոշում չկա, դրա վերաբերյալ քննարկումները կշարունակվեն աշխատանքային կարգով: Ֆեյսբուքյան ուղիղ եթերում այս մասին հայտարարեց ՀՀ վարչապետի պաշտոնակատար Նիկոլ Փաշինյանը՝ խոսելով դեկտեմբերի 27-ին ՌԴ կատարած մեկօրյա աշխատանքային այցի ժամանակ այդ երկրի նախագահ Վլադիմիր Պուտինի հետ բանակցությունների ժամանակ քննարկված հարցերի մասին:
«Արձանագրվեց, որ երկկողմ հարաբերությունների համար դա չափազանց զգայուն թեմա է, և այդ զգայունությունը գիտակցում են թե՛ Հայաստանի Հանրապետության կառավարությունում, թե՛ Ռուսաստանի Դաշնությունում: Բայց, ընդհանուր առմամբ, ես լավատես եմ տրամադրված նաև այս թեմայի շուրջ, և հույս ունեմ, որ այստեղ նույնպես մեզ համար ցանկալի զարգացումներ կլինեն կամ առնվազն անցանկալի զարգացումներ չեն լինի»,- հավելեց Նիկոլ Փաշինյանը:
Նշենք, որ ՀՀ կառավարության դեկտեմբերի 27-ի նիստից հետո լրագրողների հետ զրույցում էներգետիկ ենթակառուցվածքների և բնական պաշարների նախարարի պաշտոնակատար Գարեգին Բաղրամյանը, պատասխանելով գազի սակագնի վերաբերյալ հարցին, ասել էր. «Գազի սակագնի իջեցման շուրջ բանակցություններին մնացին հաշված ժամեր, մի փոքր էլ սպասեք, և արդյունքները պարզ կդառնան: Չեմ կարծում, որ կթանկանա, բայց սպասենք բանակցությունների ավարտին»:
