Քաղաքականություն
27.12.2018 | 14:17Սփյուռքի նախարարի պաշտոնակատար Մխիթար Հայրապետյանն այսօր լրագրողների հետ ճեպազրույցում չբացառեց, որ այս նախարարության գործառույթները հնարավոր է մեկ այլ գերատեսչության փոխանցվի. «Հիմա չեմ կարող ասել, որ գերատեսչությանը կանցնի, քանի որ այլ նախարարություններ ևս իրենց կարծիքները պիտի հայտնեն, և դրանք պետք է ամփոփվեն, պետք է կառավարության նիստ լինի, քննարկումները շարունակվում են մինչևԱԺ մտնելը: Մեր պատկերացմամբ՝ կլինի դեպարտամենտ, որտեղ կներգրավվեն Սփյուռքի նախարարության ներկա աշխատակիցները: Այս պահին հաստիքակազմի փոփոխությունները դեռևս չեն քննարկվում»:
Նշենք, որ Սփյուռքի նախարարության լուծարման մասին հայտարարությունից հետո աշխատակիցները դուրս էին եկել բողոքի ակցիայի։ Կառավարությունը քննարկում է այն մեկ այլ նախարարությանը միացնելու հարցը։
Մանրամասները՝ տեսանյութում։
