13.03.2026 | 16:23
Պարերի շտեմարան, Հայոց գահեր, հակակոռուպցիոն գործիքներ․ հայտնի են OpenData2026-ի հաղթողները
Հյուսիսային և Հարավային Կորեաների միավորման առաջին քայլը՝ սպորտում
27.12.2018 | 13:23
Միավորվելու նպատակ ունեն Հյուսիսային / ԿԺԴՀ / և Հարավային Կորեաները: Առաջին քայլը կատարվել է սպորտում: Պայմանավորվածություն է ձեռք բերվել «Տոկիո-2020» օլիմպիական խաղերում միասնական թիմերով ներկայանալ կանանց բասկետբոլի, բայդարկա և կանոե թիավարության մրցաշարերում: Չի բացառվում, որ կազմավորվեն սեղանի թենիսի, ձյուդոյի և էլի մի քանի մարզաձևերի միացյալ թիմեր: Այդպիսով, միջազգային օլիմպիական կոմիտեն ամեն կերպ ուզում է նպաստել երկու երկրների հարաբերությունների կայունացմանը:
Քննարկվում է նաև 2032 թվականի օլիմպիական խաղերը համատեղ անցկացնելու հարցը:
Հիշեցնենք, որ Հյուսիսային և Հարավային Կորեաները «Փհենչհան-2018» օլիմպիական խաղերի բացման արարողության ժամանակ ներկայացել են մեկ դրոշի ներքո, իսկ կանանց հոկեյի մրցաշարում հանդես եկել միացյալ հավաքականով:
ՀԱՕԿ լրատվական բաժին
