08.08.2026 | 17:22
Եվրոպայի մի շարք խոշոր գետերում ուժեղից մինչև ծայրահեղ սակավաջրություն է դիտվում
Կառավարությունը հավանություն տվեց Երևանի՝ Աբովյան, Փավստոս Բուզանդի, Եզնիկ Կողբացու և Արամի փողոցներով պարփակված տարածքները հանրային գերակա շահ ճանաչելու մասին որոշման նախագծին․ ՏԵՍԱՆՅՈՒԹ
Քաղաքականություն
27.12.2018 | 13:30
Կառավարության դեկտեմբերի 27-ի նիստում գործադիրը հավանություն տվեց Երևան քաղաքի գլխավոր պողոտայի՝ Աբովյան, Փավստոս Բուզանդի, Եզնիկ Կողբացու և Արամի փողոցներով պարփակված տարածքները հանրային գերակա շահ ճանաչելու մասին որոշման նախագծին։
Այս որոշումը հնարավորություն կտա ավարտին հասցնել քաղաքաշինական ծրագրի իրականացումը, Երևանի կենտրոնից կվերացվեն կիuախարխուլ, ոչ uեյuմակայուն, ոչ բավարար խտությամբ և հիմնականում վթարային հանդիuացող բնակելի ֆոնդը և հնարավոր կլինի վերականգնել «Հին Երևան» պատմաճարտարապետական միջավայրը:
Հիշեցնենք, որ Երևան քաղաքի գլխավոր հատակագծի համաձայն՝ գլխավոր պողոտայի` Աբովյան, Փավստոս Բուզանդի, Եզնիկ Կողբացու և Արամի փողոցներով պարփակված տարածքում նախատեսվում է իրականացնել «Հին Երևան» պատմաճարտարապետական միջավայրը և հնարավորություն ստեղծվում կորցված և քանդված պատմության և մշակույթի հուշարձանների տեղափոխման եղանակով տարածքում վերստեղծել քաղաքաշինական գեղագիտական միջավայր:
Ճարտարապետական նախագծի մտահղացման նպատակն է` վերստեղծել այն միջավայրը, որով կարդիականացվի տարածքը, կամրացվեն կիրառական ենթակառուցվածքները, միաժամանակ կմեծանա տարածքի մշակութային և առևտրային նշանակությունը:
Մանրամասները՝ տեսանյութում։
