22.05.2026 | 23:50
Անդրանիկ Թևանյանի նկատմամբ հարուցվել է քրեական հետապնդում պետական դավաճանության հանցակազմի հատկանիշներով
Պետք չէ ԼՂ հակամարտության կարգավորման ժամկետ սահմանել. Մարիա Զախարովա
Քաղաքականություն
26.12.2018 | 18:43
Ռուսաստանը հնարավոր ամեն ինչ կանի՝ ղարաբաղյան հակամարտության կարգավորման համար, սակայն ժամկետներ սահմանել պետք չէ: Դեկտեմբերի 26-ին տեղի ունեցած ճեպազրույցում այս մասին ասել է ՌԴ ԱԳՆ պաշտոնական ներկայացուցիչ Մարիա Զախարովան:
2019 թվականին հակամարտության կարգավորման հնարավորության մասին լրագրողի հարցին ի պատասխան՝ Զախարովան ասել է. «Մենք ժամանակային սահմաններ չենք դնում: Միշտ հանդես ենք եկել հնարավորինս արագ կարգավորման օգտին»:
ՌԴ ԱԳՆ խոսնակը նաև հավելել է, որ ռուսական կողմը բոլոր միջոցները կձեռնարկի՝ հակամարտության արագ կարգավորմանը նպաստելու համար: «Այն ամենը, ինչ կախված է ռուսական կողմից՝ և՛ որպես Մինսկի խմբի համանախագահ, և՛ որպես երկիր, որը Հայաստանի հետ ընդհանուր պատմություն, ընդհանուր անցյալ ունի, կանեն անհրաժեշտ ամեն ինչ»,- հավելել է Մարի Զախարովան:
