«Ես չեմ կարծում, որ գազի գինը կիջնի»․ Արմեն Բաղդասարյան. ՏԵՍԱՆՅՈՒԹ

Factor TV-ի հարցազրույցը քաղաքագետ Արմեն Բաղդասարյանի հետ

-Վաղը Ռուսաստանում կհանդիպեն Վլադիմիր Պուտինն ու Նիկոլ Փաշինյանը։ Ձեր կարծիքով Հայաստանի համար ճակատագրական հարցեր քննարկվելո՞ւ են։

-Եթե մենք ճակատագրական համարենք, օրինակ, գազի գինը կամ ՀԱՊԿ գլխավոր քարտուղարի պաշտոնը, այո, քննարկվելու են։ Բայց ես չեմ կարծում, թե դրանք մեզ համար ճակատագրական հարցեր են։

-Գազի գնի մասին։ Կարծեմ մենք բանակցում ենք էդ գինն իջեցնելու շուրջ։ Ռուսաստանը հանուն ինչի՞ դա պետք է անի։

-Ես չեմ կարծում, որ Ռուսաստանը կիջեցնի գազի գինը։ Համենայնդեպս, եթե հավատանք լրատվամիջոցներին, Բելառուսը բանակցություններ էր վարում ադ հարցով երեկ, և նրանց դա չի հաջողվել անել։ Մեզ համար հաջողություն կլինի, եթե մենք պահպանենք գազի գինը այն մակարդակով, որ գործում է մինչև դեկտեմբերի 31-ը։ Հույս ունեմ, որ եթե դա մեզ հաջողվի, իշխանությունները կկարողանան նույնիսկ ներքին սպառողի համար գազի գները փոքր-ինչ նվազեցնել։

-Հնարավո՞ր է, որ ռուսները գազի գնի շուրջ բանակցություններն օգտագործեն քաղաքական ճնշման տեսքով։

-Խնդիրը Փաշինյանի անձը չէ։ Նիկոլ Փաշինյանը, Հայաստանի նոր կառավարությունն առաջարկում է ՀԱՊԿ-ում, ԵՏՄ-ում հարաբերությունների նոր մոդել։ Ըստ այդ մոդելի, այնտեղ պիտի այդ կազմակերպությունների անդամ երկրները անդամագրվեն ոչ թե ստիպված, ոչ թե ավելի էժան գազ ստանալու դիմաց, այլ ուղղակի հաշվի առնելով սեփական շահերը, հաշվի առնելով ընդհանուր շահերը, այսինքն՝ կամովին։ Եվ պետք չէ վախեցնել գազի գնով, պետք չէ վախեցնել չգիտեմ ինչ սպառնալիքներով։ Այսինքն՝ Հայաստանի նոր կառավարությունն առաջարկում է հարաբերությունների նոր, ավելի արժանապատիվ մոդել։ Հատկապես Ռուսաստանում դժվար են ընդունում այդ մոդելը, այնտեղ կարծում են, որ դա պակաս արդյունավետ է, շատ ավելի արդյունավետ են այն դաշինքները, որտեղ երկրները ստիպված են մնում և փախչելու տեղ չունեն։

Մանրամասները՝ տեսանյութում:

Մհեր Արշակյան