10.08.2026 | 11:28
Նեթանյահուն մերժել է Գազայի հարցով Թրամփի ծրագիրը
Մենք էլ ենք ցանկանում մեր արբանյակն ունենալ տիեզերքում. Բյուրականի աստղադիտարանի տնօրեն. ՏԵՍԱՆՅՈՒԹ
Հասարակություն
26.12.2018 | 15:19
2019 թվականի պետբյուջեից Բյուրականի աստղադիտարանին տրամադրվել է 212 մլն դրամ, որի 65 տոկոսը գնում է աշխատավարձերին, իսկ նախորդ տարիներին, օրինակ, 2017 թվականին այն կազմել է 227 մլն դրամ։ Այս մասին այսօր հրավիրված մամուլի ասուլիսի ժամանակ ասաց Բյուրականի աստղադիտարանի տնօրեն Արեգ Միքայելյանը։
Անդրադառնալով աստղադիտարանի գործունեությանը՝ Արեգ Միքայելյանը հպարտացավ, որ աստղադիտարանի ակտիվ գործունեության արդյունքում է, որ Բյուրական գյուղն այսօր աշխարհի ամենահայտնի բնակավայրերից մեկն է, նույնիսկ շատերը չգիտեն, որ այն փոքրիկ գյուղ է։
«Բյուրականը գտնվում է աշխարհի տասը խոշորագույն քաղաքների ցանկում, որտեղ տեղի են ունեցել միջազգային կարևորագույն գիտաժողովներ։ Զբոսաշրջիկների քանակը ևս ավելացել է այնտեղ»,- ասաց Միքայելյանը։
Անդրադառնալով աստղագիտության զարգացմանը՝ Արեգ Միքայելյանը նշեց, որ ցանկացած գիտություն ներկայումս զարգացման մեծ հեռանկարներ է տեսնում տիեզերքից ստացած տվյալների հիման վրա, այս միտումներին իրենք ևս պետք է հետևեն։
«Բնականաբար, մենք էլ ենք ցանկանում մեր արբանյակն ունենալ տիեզերքում՝ հետազոտություններ անցկացնելու համար։ Այդ հետազոտությունները կիրառվում են բազմաթիվ ոլորտներում, դրա մեջ ամենամեծ բաժինը կազմում են ռազմական հետազոտությունները, ինչը հասկանալի է, թե ինչ կարևորություն ունի մեր երկրի համար»,- ասաց Բյուրականի աստղադիտարանի տնօրենը։
Մանրամասները՝ տեսանյութում։
