18.10.2026 | 20:17
«Մեր նպատակը նոր խոստումներ տալը չէ, այլ ստանձնած պարտավորությունները կատարելը»․ Մաթևոսյան․ ՏԵՍԱՆՅՈւԹ
Սիցիլիայում երկրաշարժի հետևանքով տուժածներ կան
Քաղաքականություն
26.12.2018 | 14:01
Սիցիլիայի Կատանիա քաղաքում ուժեղ երկրաշարժ է գրանցվել: Աղետի հետևանքով 10 մարդ է տուժել, բոլորը թեթև վնասվածքներ են ստացել: Ավելի վաղ հաղորդվում էր չորս տուժածի մասին, գրում է ՌԻԱ Նովոստին:
Եվրոպական միջերկրածովյան սեյսմոլոգիական կենտրոնի (EMSC) տվյալներով՝ 4.9 մագնիտուդ ուժգնությամբ երկրաշարժը գրանցվել է Կատանիայից 15 կմ դեպի արևելք:
Ֆլերի և Ջաֆերանա-Էթնեա շրջաններում ավերածություններ են գրանցվել:
Նշենք, որ ավելի վաղ Իտալիայի երկրաֆիզիկայի ազգային ինստիտուտի սիցիլիական կենտրոնի մասնագետները հաղորդել էին Էթնա հրաբխի նոր ակտիվացման մասին: Սեյսմոլոգները Կատանիայի մերձակայքում՝ Սիցիլիայի արևելյան ափին տեղակայված հրաբխի գոտում տարբեր ուժգնության ավելի քան 150 ստորգետնյա ցնցում են գրանցել:
