28.09.2026 | 18:28
9 անշարժ գույք և 8.5 մլն դրամ եկամուտ․ ինչ է հայտարարագրել Իջևանի ՏԻՄ ընտրություններում ՔՊ-ի ցուցակը գլխավորող համայնքապետը
Ներգնա զբոսաշրջային այցելությունների թիվը 2018 թվականի հունվար-սեպտեմբեր ամիսներին աճել է 8,8 տոկոսով․ Հռիփսիմե Գրիգորյան․ ՏԵՍԱՆՅՈՒԹ
Քաղաքականություն
26.12.2018 | 12:28
ՏԶՆՆ Զբոսաշրջության կոմիտեի նախագահ Հռիփսիմե Գրիգորյանն այսօր հրավիրված մամուլի ասուլիսի ընթացքում ամփոփեց կոմիտեի կողմից իրականացված աշխատանքները։
Ըստ Գրիգորյանի՝ Հայաստան ներգնա զբոսաշրջային այցելությունների թիվը 2018 թվականի հունվար-սեպտեմբեր ամիսներին աճել է 8,8 տոկոսով:
«Եթե 2017 թվականին Հայաստան է այցելել 1 միլիոն 172 հազար 402 այցելու, ապա 2018 թվականին այցելուների թիվը կազմել է 1 միլիոն 275 հազար 209: Զբոսաշրջիկներից 525 հազար 423-ը Հայաստան են այցելել Ռուսաստանի Դաշնությունից։ Զբոսաշրջիկների այցելությունների թվով երկրորդ տեղում Վրաստանն է, որտեղից Հայաստան է ժամանել 233 հազար 125 այցելու: Երրորդ տեղում Իրանն է` 132 հազար 839 այցելուով, չորրորդ տեղում ԱՄՆ-ն` 46 հազար 138 այցելուով և հինգերորդ տեղում Ուկրաինան է` 24 հազար 308 այցելուով»,- ասաց կոմիտեի նախագահը՝ ընդգծելով որ 2018 թվականի հունվար-սեպտեմբեր ամիսներին կտրուկ աճ ապահոված երկրներից են Հնդկաստանը, Չինաստանն ու Ղազախստանն են` համապատասխանաբար 131, 107 և 83 տոկոս։
Մանրամասները տեսանյութում։
