23.05.2026 | 18:52
«Ուժեղ Հայաստան» կուսակցության քարոզարշավը Արմավիրի մարզում. ՈՒՂԻՂ
«Եթե Թուրքիան ասում է, որ մտնելու եմ Սիրիա, ուրեմն կմտնի». Թուրքիայի արտգործնախարար
Քաղաքականություն
25.12.2018 | 22:11
Թուրքիայի արտգործնախարար Մևլութ Չավուշօղլուն հայտարարություններ է արել Սիրիայում տեղի ունեցող վերջին զարգացումների մասին: Նշել է, որ եթե Թուրքիան ասում է, որ մտնելու է Սիրիա, ուրեմն կմտնի. փոխանցում է ermenihaber-ը:
Նրա խոսքով` Թուրքիան ԱՄՆ-ի հետ համակարգված կերպով է իրականացնելու զորքերի դուրսբերումը:
Չավուշօղլուն նկատել է տալիս, որ «Եփրատի վահան» ռազմական գործողությունից հետո ավելի քան 3000 սիրիացի է վերադարձել Սիրիա:
Անդրադառնալով Սիրիայի սահմանադրության շուրջ տարվող աշխատանքներին` Չավուշօղլուն հայտնել է, որ բանակցությունները դեռևս շարունակվում են:
Ինչ վերաբերում է Եփրատի արևելքում հնարավոր օպերացիայի մասին, ապա արտգործնախարարն ասել է.«Եփրատի արևելքի հարցում Թուրքիան վճռական է: Մենք շարունակում ենք կապերը ռազմական դիվանագիտության մակարդակով»:
Չավուշօղլուի փոխանցմամբ` թուրքական իշխանությունները Մանբիչի ճանապարհային քարտեզի շուրջ Վաշինգտոնի հետ համաձայնություն են ձեռք բերել և հավելել, որ ներկայումս Թուրքիան ԱՄՆ-ի հետ սերտ երկխոսության մեջ է:
Արտգործնախարարն ընդգծել է, որ զորքերի դուրսբերման հարցը քննարկելու համար մեկնելու է Ռուսաստան:
ՀՕՊ համակարգերի ձեռքբերման վերաբերյալ Չավուշօղլուն ակնարկել է, որ Թուրքիան եթե նույնիսկ ԱՄՆ-ից գնի «Patriot» համակարգերը, միևնույն է, չի դադարեցնելու Ռուսաստանից S-400 ՀՕՊ համակարգերի գնումը:
