13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
Մեծ Բրիտանիայում անցկացված «Կենսաբանություն» առարկայի դպրոցական օլիմպիադայում հայ աշակերտները արծաթ ու բրոնզ են նվաճել
Հասարակություն
31.07.2017 | 17:18
Մեծ Բրիտանիայի Կովենտրի քաղաքում հուլիսի 23-ից 30-ը կայացած «Կենսաբանություն» առարկայի դպրոցականների միջազգային օլիմպիադայում Հայաստանի թիմը իր մեդալների թիվը համալրեց ևս երկուսով՝ շահելով մեկական արծաթե և բրոնզե մեդալներ:
Արծաթե մեդալի է արժանացել «Քվանտ» վարժարանի 11-րդ դասարանի աշակերտ Ալեքսանդր Կարալյանը, իսկ բրոնզե մեդալի՝ Ա. Շահինյանի անվան Ֆիզմաթ հատուկ դպրոցի 12-րդ դասարանի աշակերտ Հայկ Հարությունյանը: Մեր հավաքականը ղեկավարել են Գայանե Ղուկասյանը /ԵՊՀ/, Հռիփսիմե Մաթևոսյանը /ԵՊԲՀ/ և Մերի Հովսեփյանը /«ԱՅԲ» կրթական հիմնադրամ/։
Տեղեկացնենք, որ այս ուսումնական տարում դպրոցականների առարկայական օլիմպիադաներում մեր թիմերն արդեն շահել են 3 արծաթե, 5 բրոնզե մեդալներ և 3 գովասանագրեր։
Հաջորդ օլիմպիադան կանցկացվի «Ինֆորմատիկա» առարկայից Իրանի Իսլամական Հանրապետության մայրաքաղաք Թեհրանում:
