24.06.2026 | 05:04
ԱԱ-2026. Խորվաթիան տարավ առաջին հաղթանակը. ՏԵՍԱՆՅՈՒԹ
Ջահեր, փոշեկուլներ, կահույք, բազկաթոռ. Հաշվեքննիչ պալատը մի քանի միլիոնանոց գնումներ է իրականացրել
Տնտեսություն
25.12.2018 | 16:00
ՀՀ հաշվեքննիչ պալատը մի շարք տեխնիկական ապրանքների ձեռքբերման հայտ է ներկայացրել, որոնց ընդհանուր արժեքն անցնում է մի քանի միլիոն դրամի սահմանը: Կառույցի գնումների պլանից տեղեկանում ենք՝ 21 համակարգչի համար վճարել են 9 մլն 137 հազար դրամ, երկու ջահի համար 250 հազար դրամ, երկու գրասեղանի համար՝ 136 հազար:
Կառույցը ձեռք է բերել երկու գրասեղան՝ ղեկավարի համար, որոնց համար վճարել է 255 հազար դրամ: Հաշվեքննիչ պալատը 50 գրասենյակային աթոռի համար վճարել է 1 մլն 260 հազար, իսկ 24 բազկաթոռներն արժեցել են 1 մլն 474 հազար դրամ: 165 հազար դրամով գնել է նաև երկու փոշեկուլ, ինչպես նաև հինգ օդորակիչ՝ 1 մլն դրամով:
Կառույցը 1 մլն դրամի կահույքի վերանորոգման պահպանման ծառայություններից է օգտվել, ինչպես նաև 850 հազար դրամի կահույք է պատվիրել:
Նշենք, որ Հաշվեքննիչ պալատը Վերաքննիչի իրավահաջորդն է: Կառույցի գործառույթն է իրականացնել բազմակողմանի և մասնագիտական վերահսկողություն պետական եկամուտների և միջոցների արդյունավետ ծախսման նկատմամբ՝ ապահովելով դրանց օգտագործման թափանցիկությունը:
Հաշվեքննիչ պալատը կազմված է նախագահից և վեց անդամներից:
Հայկ Վարդանյան
