06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Միքայել Հարությունյանը Ռուսաստանի Դաշնության քաղաքացի է․ ՀՔԾ-ն ստացել է ռուսական կողմի պատասխանը
Հասարակություն
25.12.2018 | 14:32
Հատուկ քննչական ծառայությունը Ռուսաստանից ստացել է Հայաստանի պաշտպանության նախկին նախարար, «Մարտի 1-ի» գործով մեղադրյալ Միքայել Հարությունյանի վերաբերյալ ուղարկված հարցման պատասխանը։
Factor.am-ի հետ զրույցում՝ ՀՔԾ մամուլի խոսնակ Մարինա Օհանջանյանը հայտնեց, որ պատասխանում նշված է, որ Միքայել Հարությունյանը Ռուսաստանի Դաշնության քաղաքացի է, չկան այլ մանրամասներ։
«Հատուկ քննչական ծառայությունը լրացուցիչ հարցում է ուղարկել, որպեսզի պարզի, թե երբ է Միքայել Հարությունյանը ստացել ՌԴ քաղաքացիություն», -հավելեց մամուլի խոսնակը։
Հիշեցնենք, որ Երևանը Մոսկվային պաշտոնական հարցում է ուղարկել Հայաստանի պաշտպանության նախկին նախարար Միքայել Հարությունյանին արտահանձնելու վերաբերյալ, որի նկատմամբ ԱՊՀ երկրներում միջպետական հետախուզում է հայտարարվել 2008 թվականի Մարտի 1-ի քրեական գործով, «Интерфакс»-ին հայտնել էր իրազեկ աղբյուրը:
«Նախնական որոշում է կայացվել, որ արտահանձնման հարցում Երևանը մերժում է ստանալու, քանի որ պարզվել է՝ Միքայել Հարությունյանը 2002 թվականից ունի ռուսական անձնագիր», – հայտնել էր աղբյուրը:
