ՖԻԴԵ-ի նախագահ Ա.Դվորկովիչի որոշմամբ արագ և կայծակնային շախմատի աշխարհի առաջնությանը կմասնակցի նաև ՖԻԴԵ-ի վարպետ Վահե Դանիելյանը:
Այս մասին հայտնում է Հայաստանի շախմատային ֆեդերացիայի պաշտոնական կայքը:
Համաձայն մրցաշարի կանոնադրության՝ տղամարդկանց մրցաշարին իրավունք ունեն մասնակցելու 2500 և ավել գործակից ունեցողները, իսկ կանանց մրցաշարում՝ 2200 և ավել:
Մրցաշարերին իրավունք ունեն մասնակցելու նաև ազգային չեմպիոնները: Խիստ սահմանափակ թվով մասնակիցների պարագայում ում գործակիցը 2500 կամ ավել չէ, մրցաշարին մասնակցելու թույլտվություն կարող է տալ ՖԻԴԵ-ի նախագահը, որն էլ հենց ստացել է մեր հայրենակիցը:
Արագ և կայծակնային շախմատի տղամարդկանց և կանանց աշխարհի առաջնությունները տեցի կունենան դեկտեմբերի 25-31-ը Ռուսաստանի Սանկտ-Պետերբուրգ քաղաքում:
