13.06.2026 | 00:58
ԱԱ-2026․ Կանադան խուսափեց պարտությունից Բոսնիա և Հերցեգովինայի դեմ խաղում․ ՏԵՍԱՆՅՈՒԹ
Մեր անմեղ քաղաքացիները դառնում են ռուսական ռազմաբազայի զինծառայողների զոհը. Նարինե Դիլբարյան. ՏԵՍԱՆՅՈՒԹ
Հասարակություն
25.12.2018 | 12:10
«Ռուսական ռազմաբազայից բխող սպառնալիքները խիստ ակնհայտ են։ 102-րդ ռուսական ռազմաբազայում ստեղծվել է տարօրինակ մի մթնոլորտ, որի պատճառով ռուս զինծառայողները Հայաստանի օրենսդրության հանդեպ ոչ պատշաճ վերաբերմունք են դրսևորում և մեր անմեղ քաղաքացիները դառնում են նրանց զոհը։ Կինը դուրս է եկել իր աշխատանքը կատարելու, և նա ենթարկվել է անբացատրելի ծեծի, սպանվել է»,- Factor.am-ի հետ զրույցում ասաց քաղաքական վերլուծաբան Նարինե Դիլբարյանը։
Նրան անհանգստացնող մի հանգամանք կա։ Սովորաբար հանցագործությունների հետևում թաքնված են չբացատրվող միտումներ․ «Ի՞նչ նկատի ունեմ՝ Պերմյակովի կողմից Ավետիսյան ընտանիքին սպանելու շարժառիթն այդպես էլ չբացահայտվեց, նրան հոգեբանորեն անառողջ համարեցին։ Ջուլիետա Ղուկասյանի սպանության դեպքը դեռ հետաքննության մեջ է։ Որպես քաղհասարակության ներկայացուցիչներ մտահոգված ենք և ուզում ենք, որ Ռուսաստանի դեսպանատունը մեր մտահոգությունները հայտնի Ռուսաստանի բարձրագույն ղեկավարությանը և ռազմաբազայում ստեղծվի այնպիսի մթնոլորտ, ներքին իրավակարգային այնպիսի հարաբերություններ, որ հոգեկան անառողջ դրսևորումներ ունեցող կամ վարքային խախտումներ ունեցող մարդիկ չեն լինի»,- ասաց Նարինե Դիլբարյանը։
Մանրամասները՝ տեսանյութում:
