18.10.2026 | 18:27
COP17-ի պաշտոնական բացման արարողությունը․ ՈւՂԻՂ
Սիրիայի քրիստոնյաները պատերազմից հետո առաջին անգամ նշել են Սուրբ Ծնունդը
Քաղաքականություն
25.12.2018 | 11:50
Սիրիայի քրիստոնյաները պատերազմից հետո առաջին անգամ կարողացել են նշել քրիստոնեական գլխավոր տոներից Սուրբ Ծնունդը: Դամասկոսում տոնի առիթով երթ է կազմակերպվել: Այս մասին տեղեկացրել է երթի կազմակերպիչներից Ռեյն Ալ Մեյլան, գրում է ՌԻԱ Նովոստին:
«Մենք մեծ երթ ենք կազմակերպել Դամասկոսում, որն անցավ Բաբ Թումայով և Աբբասականների պուրակով, որտեղ մեծ տոնածառ է տեղադրված: Դա Հին Դամասկոսի ուղերձն է ամբողջ աշխարհին: Սա առաջին հետպատերազմական Սուրբ Ծնունդն է»,- նշել է Ալ Մեյլան:
Տոնի առիթով պատարագ է մատուցվել նաև երկրի խոշորագույն մյուս քաղաքում՝ Հալեպում, որտեղ հարյուրավոր քաղաքացիներ են հավաքվել քաղաքի գլխավոր քրիստոնեական տաճար Եղիա մարգարեի եկեղեցում:
Նշենք, որ մինչև պատերազմը Սիրիայում քրիստոնյա բնակչությունը կազմում էր շուրջ 10%: Նրանք հիմնականում կենտրոնացած էին Հալեպում, Դամասկոսում, Համայում և Լաթաքիայում:
