12.10.2026 | 15:18
«Եթե ընդամենը 5000 ընտանիք է բնակարան ձեռք բերել, ո՞ւր է ծախսվել 250 մլն դոլարը»․ Աննա Գրիգորյան․ ՏԵՍԱՆՅՈՒԹ
Արդար չէ մեկ որոշումով նախարարությունը ոչնչացնել. Հրազդան Թոքմաջյան․ ՏԵՍԱՆՅՈՒԹ
Քաղաքականություն
25.12.2018 | 10:54
Սիրիահայ Հրազդան Թոքմաջյանը կարծում է, որ չի կարելի մեկ որոշումով ոչնչացնել Սփյուռքի նախարարությունը: Այսօր կազմակերպված բողոքի ակցիայի ժամանակ Factor.am-ի հետ զրույցում նա նշեց, որ այս նախարարության լուծարման հետևանքով սփյուռքը շատ բան կկորցնի:
«Նախարարության գոյության այս տասը տարիների ընթացքում հարաբերություների ձևաչափ էր մշակվել, և սփյուռքը հայրենիքին մոտենում էր հիմնականում նախարարության միջոցով: Հիմա այդ դերակատարությունը ոչնչացնելը ճիշտ չէ»,- հավելեց Հրազդան Թոքմաջյանը:
Ինչ վերաբերում է հայրենադարձությունը խթանելու՝ կառավարության ծրագրերին, Թոքմաջյանն ասաց՝ դրանք դեռևս հայտարարություններ են. «Ես նույնիսկ հեռուստատեսությամբ լսեցի, որ 13 հազար մարդ հեռացել է Հայաստանից: Այնպես որ՝ նույնիսկ լավ հայտարարությունները հայտարարություն են, իսկ Սփյուռքի նախարարությունը շոշափելի կառույց է, որը մենք ցանկանում ենք ոչնչացնել»:
Մանրամասները՝ տեսանյութում
