11.08.2026 | 13:00
Թուրքիայի խորհրդարանը հաստատել է քրդական PKK-ի զինյալների համար համաներում հայտարարելու օրենքը
Բերդ քաղաքում մոր և որդու սպանության համար կասկածվողը Հայաստանը լքելիս ձերբակալվել է
Հասարակություն
25.12.2018 | 10:42
Տավուշի մարզի Բերդ քաղաքում մոր և որդու սպանության մեջ կասկածվողին իրավապահները հայտնաբերել են:
Այս մասին հայտնում է ոստիկանության մամուլի ծառայությունը: Աղբյուրի տեղեկացմամբ՝ ոստիկանության տարբեր ստորաբաժանումների ծառայողների ձեռնարկած օպերատիվ-հետախուզական լայնածավալ միջոցառումների շնորհիվ, սպանություն կատարելու կասկածանքով, Հայաստանը լքելու պահին հայտնաբերվել և բերման է ենթարկվել մեկ անձ, որը ձերբակալվել է: Հիշեցնենք, որ դեկտեմբերի 24-ին, ժամը 10.50-ին, ոստիկանության Տավուշի բաժնում հաղորդում էր ստացվել, որ Բերդ քաղաքի Ուտիքի փողոցի տներից մեկում մայր ու որդու էին սպանել:
Մեկնած օպերատիվ խումբը պարզել էր, որ դեկտեմբերի 23-ի ժամը 21.30-ից դեկտեմբերի 24-ի ժամը 10.30-ն ընկած ժամանակահատվածում սուր կտրող-ծակող գործիքով սպանել են 57-ամյա տղամարդու և 87-ամյա կնոջ: Նշանակվել էր ԴԲՓ: Փաստի առթիվ ՀՀ քրեական օրենասգրքի 104 հոդվածի 2-րդ մասի 1-ին կետի հատկանիշներով հարուցվել էր քրեական գործ: Նախաքննությունը շարունակվում է:
