30.03.2026 | 22:35
Հայաստանի ամերիկյան համալսարանը մարտի 31-ից կվերադառնա առկա ուսուցման ձևաչափին
Կոռուպցիայի դեմ պայքարն արդյոք ԱԱԾ-ի միա՞կ գործառույթն է․ ազգագրագետ․ ՏԵՍԱՆՅՈՒԹ
Քաղաքականություն
24.12.2018 | 14:04
Ազգային անվտանգության ծառայության 100-ամյակի միջոցառման ժամանակ ԱԱԾ աշխատակից Նավասարդ Մինասյանն իր ելույթում հնչեցրեց շատ տարօրինակ ձևակերպմամբ մի շարք խնդիրներ․ թվարկեց ստալինյան բռնաճնշումների և անձի պաշտամունքի հետևանքով ստեղծված խնդիրներ և նույն շարքում թվարկեց նաև այլախոհական շարժումների դեմ, ուսանողության ներազատական շարժումների դեմ պայքարը․ փաստորեն, ԱԱԾ պաշտոնյան ազնվորեն թվարկում էր այն խնդիրները, որոնց դեմ պետք է ԱԱԾ-ի այն ժամանակվա աշխատակիցները պայքարեին և զարմանալի է, որ մինչև հիմա այս ծառայությունը չի կարողանում թացը չորից զատել։ Այս մասին այսօր «Ազգային անվտանգության մարմինների կազմավորման 100-ամյակը. ձեռքբերումներ և բացթղումներ» թեմայով քննարկման ժամանակ ասաց ազգագրագետ Գայանե Շագոյանը։
«Հենց այստեղ է, որ իշխանության եկած ուժը դեռ չի ձևակերպել, թե ինչ պետականության մոդել է մեզ առաջարկում, ուստի Ազգային անվտանգության ծառայությունն էլ առանձնապես չի կիողմնորոշվում, թե իր անցյալի որ էջերը պետք է քննադատի և որ էջերի համար՝ ապաշխարի»,- ասաց նա։
Անդրադառնալով Ազգային անվտանգության ծառայության 100-ամյակի միջոցառման ժամանակ հնչեցված ելույթներին՝ նա նկատեց, որ այդ օրը և՛ վարչապետի պաշտոնակատարի, և՛ ծառայության տնօրենի շուրթերից լսել է հիմնականում կոռուպցիայի դեմ պայքարի մասին։
«Իսկ արդյոք կոռուպցիայի դեմ պայքարը Ազգային անվտանգության ծառայության միա՞կ գործառույթն է»,- ասաց նա։
Մանրամասները՝ տեսանյութում։
