Սահմանադրությամբ այն նորմերը, որ տրված են վարչապետին, մի քիչ չափազանցված են․ Հովիկ Աղազարյան. ՏԵՍԱՆՅՈՒԹ

Factor.am-ի հարցազրույցը ՀՀ ԱԺ «Իմ քայլը» խմբակցության անդամ Հովիկ Աղազարյանի հետ

-«Իմ քայլը» խմբակցությունը քննարկե՞լ է երկու նախարարությունների օպտիմալացումը և պատրա՞ստ է հասարակական դժգոհություններին, որոնք հասունանում են այս օրերին։

-Նախ խմբակցությունը դեռ ձևավորված չէ, այն կձևավորվի, երբ պատգամավորության այն թեկնածուները, որոնք կդառնան պատգամավոր, կստանան իրենց մանդատները։ Այնպես որ այդ հարցը չի քննարկվել։ Դա բոլոր դեպքերում կառավարությունը պետք է ներկայացնի ԱԺ-ին, որպեսզի ԱԺ-ն հաստատի։

-Անձամբ դուք ի՞նչ եք կարծում։

-Անձամբ ես կարծում եմ օպտիմալացման համար երկու շարժառիթ կա, տարիների ընթացքում բավականին ուռճացվել են ոչ միայն այդ երկու նախարարությունները, այլ շատ ուրիշ նախարարություններ ևս։ Մոնիթորինգի արդյունքում պարզվել է, որ շատ նախարարություններում ուղղակի գոյություն ունեն մարդիկ, որոնք էդտեղ չպետք է լինեն ոչ պրոֆեսիոնալիզմի իմաստով, ոչ էլ անհրաժեշտության իմաստով։ Մյուս կողմից, օպտիմալացումը պետության ծախսերի քչացումն է, որպեսզի էդ միջոցներն ուղղվեն այլ հարցերի լուծմանը։

-Այսօր շարունակվու՞մ են ընդդիմադիր «Լուսավոր Հայաստանի» և ԲՀԿ-ի հետ կոնսուլտացիաները ԱԺ հանձնաժողովների նախագահների աթոռների բաշխման շուրջ։

-Այո, դրանք շարունակվում են և շուտով պայմանավորվածություններ կլինեն, թե ինչ տրամաբանությամբ և ինչ անվանումներով հանձնաժողովները կբաշխվեն։

-Հանձնաժողովների կրճատում կլինի՞։

-Ավելի հավանական է, որ կավելանա։

-Իսկ դուք ի՞նչ եք մտածում սուպերվարչապետության սահմանափակման մասին։

-Ոչ միայն ես, այլև իմ շատ քաղաքական ընկերներ կարծում են, որ․․․

-Համաձա՞յն եք, որ Նիկոլ Փաշինյանն այսօր սուպերվարչապետ է։

-Նիկոլ Փաշինյանը չէ, նա ցանկացած պարագայում կարող է սուպերվարչապետ լինել իր անձնական որակներով, ուղղակի Սահմանադրությամբ էն նորմերը, որ տրված են վարչապետին, մի քիչ չափազանցված են։ Նիկոլ Փաշինյանի դեպքում դա կարող է վտանգավոր չլինել, բայց ընդհանուր առմամբ դրանք ցանկալի չեն։ Հետևաբար էդ խնդիրն առաջիկայում կարող է քննարկման հարց դառնալ։

Մանրամասները՝ տեսանյութում:

Մհեր Արշակյան