12.10.2026 | 17:07
Շաքիի դեպքի համար ո՞վ է պատասխանատու, հանրությունը պետք է իմանա․ Նարեկ Կարապետյան․ ՏԵՍԱՆՅՈՒԹ
Վրաստանը 500 հազար եվրո կստանա Գերմանիայից՝ պաշտպանական ոլորտի զարգացման համար
Քաղաքականություն
21.12.2018 | 20:47
Գերմանիան մտադիր է Վրաստանին 500 հազար եվրո հատկացնել ՆԱՏՕ-ի հետ երկրի համագործակցության շրջանակում: ՏԱՍՍ-ի փոխանցմամբ՝ այս մասին հայտնել է Թբիլիսիում Գերմանիայի դեսպանատունը:
Դիվանագիտական ներկայացուցչությունում հստակեցրել են, որ ֆինանսավորումն ուղղվելու է նաև Վրաստանի պաշտպանության ինստիտուցիոնալ վերածննդի դպրոցի (DIB) զարգացմանը:
«ՆԱՏՕ-ում Գերմանիայի դեսպան Հանս Դիտեր Լուկասը համաձայնություն է տվել Վրաստան-ՆԱՏՕ (SNGP) համագործակցության փաթեթի շրջանակում Վրաստանին 500 հազար եվրո տրամադրել: 2016 և 2017 թվականներին Գերմանիան արդեն երկու անգամ 500 հազարական եվրո հատկացրել է այդ դպրոցի և այլ նախագծերի զարգացման համար, ինչը կնպաստի ՆԱՏՕ-ին Վրաստանի հետագա մերձեցմանը»,- ասված է հաղորդագրությունում:
Նշենք, որ Գերմանիան և Վրաստանը վերջին 10 տարիներին ակտիվորեն համագործակցում են պաշտպանական ոլորտում: Բեռլինը Թբիլիսիին օժանդակում է ԶՈՒ-ի բարեփոխումների և այն ՆԱՏՕ-ի չափանիշներին մոտեցնելու, բանակը հագեցնելու հարցում: 2016 թվականին Գերմանիայի ՊՆ-ն Վրաստանի պաշտպանական գերատեսչությանը 24 բեռնատար մեքենա փոխանցեց, որոնք հագեցած են զանգվածային ոչնչացման զենքից պաշտպանության համար նախատեսված սարքավորումներով:
