Տնտեսություն
21.12.2018 | 18:02Տնտեսական զարգացման և ներդրումների նախկին նախարար Արծվիկ Մինասյանը ազնիվ չի համարում հեղափոխությունից հետո կտրուկ տնտեսական բարձր ցուցանիշներ ակնկալելը։
«Ճիշտ և ազնիվ չէ այս ժամանակահատվածում ակնկալել կտրուկ և մեծածավալ փոփոխություններ: Այլ հարց է, թե այս ժամանակաընթացքում արդյոք ստեղծվե՞լ են այնպիսի հիմքեր և ուղղություններ, որոնք կբերեն երկրի տնտեսության կտրուկ վերափոխման: Այստեղ կան հարցեր»,- այս մասին այսօր հրավիրված «Տնտեսություն. ընթացիկ վիճակը և տնտեսական հեղափոխության հեռանկարը» թեմայով քննարկման ժամանակ ասաց նա՝ նշելով, որ մենք կարիք ունենք տնտեսության մեջ հստակ քաղաքականություն իրականացնելու։
Նախկին նախարարի խոսքով՝ այս պահին այնքան էլ ճիշտ չէ առաջնորդվել տնտեսական ցուցանիշներով, քանի որ դրանք այժմ ֆորմալ բնույթ են կրում, և մենք ունենք ավելի խորքային խնդիրներ, որոնք կապված են տնտեսության կառուցվածքային վերանայումների հետ։
Արծվիկ Մինասյանը խոսեց նաև ներդրումային քաղաքականության մասին և շեշտեց՝ քանի դեռ կոռուպցիայի և մենաշնորհների դեմ պայքարը ինստիտուցիոնալ համակարգի չի վերածվել, մեծ ներդրումներ ակնկալելը միամտություն է։
Մանրամասները՝ տեսանյութում։
