16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Ռուսաստանի հետ հարաբերություններում մենք ունենք բացթողումներ. Թևան Պողոսյան. ՏԵՍԱՆՅՈՒԹ
Քաղաքականություն
21.12.2018 | 14:42
Ռուսաստանի հետ հարաբերություններում մենք ունենք բացթողումներ, և պետք է կարողանանք կարգավորել դրանք: Արտաքին քաղաքական խնդիրների և հայ-ռուսական հարաբերությունների թեմայով քննարկման ժամանակ նման կարծիք հայտնեց Մարդկային զարգացան միջազգային կենտրոնի ղեկավար Թևան Պողոսյանը:
Նրա համոզմամբ՝ բանակցությունների միջոցով կարելի է ամեն ինչի հասնել, և պետք չէ զլանալ, հարկավոր է բանակցել, ներկայացնել խնդիրները, օգտագործել դրանց լուծման համար բոլոր մեխանիզմները:
«Ես չեմ կասկածում, երբ Նիկոլ Փաշինյանն ասում է՝ մենք Ռուսաստանի հետ որևէ խնդիր չունենք, բայց դա իր անձնական ուղիղ կապի մակարդակն է: Մնացած բոլոր դաշտերում, երևի, կան խնդիրներ, և այդ դաշտերում էլ պետք է նույն ձևով աշխատել: Ինչպես Փաշինյանն ու Պուտինն են նստում, բաց խոսում, նույն կերպ պետք է նստել, խոսել, հասկանալ խնդիրները»,- նշեց Թևան Պողոսյանը:
Պողոսյանը հետաքրքիր է համարում վերջին օրերին Ռուսաստանից հնչող կարծիքները, մասնավորապես՝ ՌԴ ԱԳՆ խոսնակ Մարիա Զախարովայի հայտարարությունը, թե երբ իրենք ասում են Հայաստանի Հանրապետություն, հասկանում են պետությունը, ոչ թե կոնկրետ անձեր: «Չնայած մինչ այս Ռուսաստանը, կարծես, ավելի շատ անձերի հետ էր աշխատում, ոչ թե պետության: Եվ եթե հիմա այս տրանսֆորմացիաները նաև Ռուսաստանում են տեղի ունենում, կարող ենք օգտագործել այս ամենը՝ ի շահ Հայաստանի և հայ-ռուսական հարաբերությունների զարգացման»,- հավելեց բանախոսը:
Մանրամասները՝ տեսանյութում:
