18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Դեսպան Վահագն Աթաբեկյանն իր հավատարմագրերը հանձնեց Լիբանանի նախագահին
Քաղաքականություն
20.12.2018 | 11:37
Լիբանանում ՀՀ նորանշանակ դեսպան Վահագն Աթաբեկյանը դեկտեմբերի 19-ին պաշտոնապես իր հավատարմագրերը հանձնեց Լիբանանի Հանրապետության նախագահ, գեներալ Միշել Աունին: Այս մասին տեղեկացնում է ՀՀ ԱԳՆ մամուլի ծառայությունը:
Հանդիսավոր արարողությանը հաջորդած զրույցի ընթացքում անդրադարձ կատարվեց հայ-լիբանանյան խորապես բարեկամական հարաբերությունների ներկա ընթացքին և հեռանկարներին, լիբանանահայ համայնքի դերակատարությանը, ինչպես նաև Երևանում տեղի ունեցած Ֆրանկոֆոնիայի գագաթաժողովին, որի շրջանակներում լիբանանյան պատվիրակությունը ղեկավարում էր նախագահ Միշել Աունը:
Լիբանանի նախագահը Հայաստանի դեսպանին ջերմորեն մաղթեց բարի գալուստ և հաջողություններ իր պատասխանատու և պատվավոր առաքելության մեջ:
