04.09.2026 | 14:24
Հայաստանը դիմել է երրորդ երկրի Բաքվում գտնվողներին հյուպատոսական աջակցություն ցուցաբերելու նպատակով․ ՏԵՍԱՆՅՈՒԹ
Իրանը մեկնաբանել է Թուրքիայի կողմից Սիրիայում ծրագրվող ռազմական օպերացիան
Քաղաքականություն
19.12.2018 | 19:04
Իրանն արձագանքել է Թուրքիայի կողմից Եփրատի արևելքում քուրդ զինյալների դեմ ծրագրված ռազմական գործողությունների հնարավոր վերսկսմանը: Թուրքական լրատվամիջոցներն այդ արձագանքը համարել են սկանդալային. փոխանցում է ermenihaber-ը:
Իրանի արտաքին գործերի նախարարության մամուլի խոսնակ Բահրամ Ղասեմին ասել է, որ Թուրքիան առանց սիրիական իշխանությունների թույլտվության քրդական «Ժողովրդական ինքնապաշտպանական ջոկատներ»-ի (YPG) դեմ ծրագրված ռազմական գործողությունները կարող են խոչընդոտել Աստանայի համաձայնագրի կիրառմանը:
Ղասեմին նշելով, որ Իրանի դիրքորոշումը չի փոխվել այս հարցում, ասել է. «Ոչ մի երկիր Սիրիայի տարածքում չպետք է ռազմագործողություններ իրականացնի առանց իշխանությունից թույլտվություն ստանալու: Յուրաքանչյուր քայլ, որը պետք է ձեռնարկվի այլ պետության կողմից, անհրաժեշտ է ստանա Դամասկոսի թույլտվությունը»:
Խոսնակի փոխանցմամբ` առկա իրավիճակը կարող է բարդացնել Իրանի, Թուրքիայի և Ռուսաստանի միջև Աստանայի գործընթացի շրջանակում շարունակվող համագործակցությունը:
Ղասեմին հույս է հայտնել, որ կշարունակվի Աստանայի գործընթացի շրջանակում ընթացող արդյունավետ համագործակցությունը:
«Կարծում ենք, որ մեր թուրք բարեկամները տեղյակ են տարածաշրջանային զարգացումներին: Որևէ զարգացման դեպքում Իրանը կանի իր մեկնաբանությունը»,- շեշտել է Ղասեմին:
