18.12.2025 | 23:24
ՀՀ տարածքում ավտոճանապարհները հիմնականում անցանելի են
Մեր Կառավարությունը ՌԴ-ի հետ երբեք այդպիսի հարց չի քննարկել․ Փաշինյանը Լավրովի՝ բիոլաբորատորիաների վերաբերյալ հայտարարության մասին. ՏԵՍԱՆՅՈՒԹ
Քաղաքականություն
19.12.2018 | 17:07
«Հայաստանի բազմաթիվ ռեստորաններում տեղի են ունենում դեպքեր և իրադարձություններ, որոնցում ներգրավված են Հայաստանի ու Ռուսաստանի քաղաքացիներ, զբոսաշրջության թվերն աճում են, և ես համաձայն չեմ մեկ կամ երեք մարդու արածը… », – մինչև ե՞րբ են Գյումրիի ռուսական ռազմաբազայի զինծառայողների մասնակցությամբ արյունոտ միջադեպեր գրանցվելու հարցին, այսպես պատասխանեց վարչապետի պաշտոնակատար Նիկոլ Փաշինյանը։
Factor.am-ի հիշեցմանը, որ վերջին 6 տարում 11 մահ է գրանցվել ռուսական ռազմաբազայի զինծառայողների մասնակցությամբ, Նիկոլ Փաշինյանն ասաց. «Էդ մտահոգությունները մենք բնականաբար քննարկում ենք մեր գործընկերների հետ, բայց իմ ասածն այն է, որ պրոցեսը պետք չի քաղաքականացնել, առավել ևս՝ աշխարհաքաղաքական իմաստով»։
Նիկոլ Փաշինյանը մեկնաբանեց նաև ՌԴ արտգործնախարար Սերգեյ Լավրովի հայտարարությունը, թե Ռուսաստանը Հայաստանի հետ նախապատրաստում է հայաստանյան բիոլաբորատորիաներ օտար զինծառայողների մուտքը բացառող փաստաթուղթ. «Մեր կառավարության օրոք մենք երբեք ռուս գործընկերների հետ այդպիսի հարց չենք քննարկել»:
