03.07.2026 | 05:09
ԱԱ-2026. Պորտուգալիան հաղթանակ կորզեց ու կխաղա Իսպանիայի հետ. ՏԵՍԱՆՅՈՒԹ
Նախիջևանի հատվածից դիրքերի տեղաշարժի 95%-ը եղել է փետրվար-մայիսին․ Փաշինյան. ՏԵՍԱՆՅՈՒԹ
Քաղաքականություն
19.12.2018 | 16:39
Վարչապետի պաշտոնակատար Նիկոլ Փաշինյանը պնդում է՝ Նախիջևանի հատվածից հակառակորդի կողմից դիրքերի տեղաշարժ եղել է դեռևս 2018 թվականի փետրվարից մայիսն ընկած ժամանակահատվածում։ Այս մասին այսօր Դիլիջանում լրագրողների հետ ճեպազրույցում ասաց Փաշինյանը՝ անդրադառնալով այս հարցի վերաբերյալ վերջին շրջանում որոշ ՀՀԿ-ական գործիչների մեկնաբանություններին։
«Եթե ինչ-որ բան էլ տեղի է ունեցել, տեղի է ունեցել իմ վարչապետ դառնալուց առաջ։ Իսկ տեղի է ունեցել դիրքային տեղաշարժ, ընդ որում՝ երկու կողմից։ Ես պաշտոնապես ասում եմ, որ այն տարածքները, որոնք մայիսի 8-ի դրությամբ եղել են Հայաստանի Զինված ուժերի վերահսկողության ներքո, բոլոր այդ տարածքները շարունակում են մնալ ՀՀ ԶՈՒ-ի վերահսկողության ներքո»,- ասաց վարչապետի պաշտոնակատարը։
Հիշեցնենք, որ ՀՀԿ խոսնակ Էդուարդ Շարմազանովը ֆեյսբուքի ուղիղ հեռարձակմամբ իր մտահոգությունն էր հայտնել «Ադրբեջանից վերջին երկու օրերին ստացվող հայտարարությունների ու ելույթների» առնչությամբ:
«2 օրվա ընթացքում Ադրբեջանից ստանում ենք մտահոգիչ հայտարարություններ և ելույթներ, և կրկնակի մտահոգիչ է, երբ Հայաստանի իշխանությունը, վարչապետը, որը շատ է սիրում լայվեր մտնել, լռում է՝ իբր թե ոչ մի բան չի եղել։ Հասկանում եմ, որ նոր իշխանությունն զբաղված է Ազգային ժողովում պաշտոններ բաշխելով, բայց անվտանգությունն ավելի կարևոր է։ Դեռ կհասցնեք պաշտոններ բաշխել։ Փաշինյանը Ալիևին համարում է կիրթ և նորմալ անձնավորություն և խոսում խաղաղ կարգավորման անհրաժեշտության մասին, դեկտեմբերի 17-ի իր ելույթում չի հրաժարվում խնդրի ուժային լուծումից, ադրբեջանական բանակը համարում է Լեռնային Ղարաբաղի խնդրի լուծման հիմնական երաշխավորը, նշում, որ ցանկացած խնդիր կարող է լուծել և պարծենում սպառազինությամբ»,- ասել է Շարմազանովը։
Մանրամասները՝ տեսանյութում
