21.01.2026 | 18:32
Մենք մեր Միշիկը չունենք, որ ծրարով փող տա, չենք էլ ուզում․ Փաշինյանը՝ Խամոյանին․ ՏԵՍԱՆՅՈՒԹ
Կոնգրեսականները պետքարտուղարությանը կոչ են արել ՀՀ-ԱՄՆ հարաբերությունները բարձրացնել ռազմավարական երկխոսության մակարդակի
Քաղաքականություն
19.12.2018 | 16:08
Ամերիկացի կոնգրեսականներ Ջեքի Սփեյերը, Ադամ Շիֆը, Ֆրենկ Փալոնեն և Կոնգրեսի հայկական հարցերի հանձնաժողովի այլ անդամներ նամակ են ուղղել ԱՄՆ պետքարտուղար Մայք Պոմպեոյին՝ կոչ անելով վերանայել Հայաստանի հետ հարաբերություններն ու դրանք բարձրացնել ռազմավարական երկխոսության մակարդակի: Այս մասին տեղեկացնում է Ամերիկայի Հայ դատի հանձնախումբը (ANCA):
«Մենք կոչ ենք անում ընդլայնել ԱՄՆ-ի աջակցությունը կոռուպցիայի դեմ, ուժեղ քաղաքացիական հասարակության կառուցման և լրատվամիջոցների անկախության ապահովման համար պայքարում և աշխատանքային խմբեր ստեղծել՝ բարեփոխումներն առաջ մղելու համար»,- ասված է նամակում:
Կոնգրեսականները պետքարտուղարին նաև կոչ են արել նպաստել տնտեսական և առևտրային կապերի զարգացմանը, Երևան-Լոս Անջելես ուղիղ չվերթների բացմանը, ռազմական ոլորտում հայ-ամերիկյան համագործակցության խորացմանը՝ տարածաշրջանում խաղաղության և կայունության պահպանման համար:
Հայ դատի գրասենյակի գործադիր տնօրեն Արամ Համբարյանը ողջունել է կոնգրեսականների նախաձեռնությունը՝ երախտագիտություն հայտնելով Հայաստանի և ԱՄՆ-ի հարաբերությունների զարգացմանն ուղղված ջանքերի համար:
