22.04.2026 | 23:30
ՀՀ տարածքում ավտոճանապարհները հիմնականում անցանելի են
ՀԱՊԿ-ը չենք կարող առանց գլխավոր քարտուղարի թողնել. Ղրղզստանը նույնպես կպաշտպանի Բելառուսի թեկնածուին
Քաղաքականություն
19.12.2018 | 14:01
Ղրղզստանը սատարում է ՀԱՊԿ գլխավոր քարտուղարի պաշտոնում Բելառուսի անվտանգության խորհրդի պետքարտուղար Ստանիսլավ Զասի նշանակումը: Interfax.by-ի փոխանցմամբ՝ այս մասին դեկտեմբերի 19-ին հայտարարել է Ղրղզստանի նախագահ Սոորոնբայ Ժեենբեկովը:
«Այս տարի ՀԱՊԿ-ում նախագահությունն անցել է Ղրղզստանին: Ես արդեն ընդունել եմ Բելառուսի Անվտանգության խորհրդի քարտուղարին, մենք բանակցել ենք, և ես արդեն որոշում եմ ստորագրել: Կարծում եմ, որ մենք չպետք է առանց գլխավոր քարտուղարի թողնենք այնպիսի կարևոր կազմակերպությունը, ինչպիսին ՀԱՊԿ-ն է»,- հայտարարել է Ժեենբեկովը:
Հիշեցնենք, որ ՀԱՊԿ գլխավոր քարտուղարի պաշտոնը թափուր է Յուրի Խաչատուրովի հետկանչից հետո, որին Հայաստանում սահմանադրական կարգը տապալելու մեղադրանք է առաջադրվել:
Բելառուսի նախագահ Ալեքսանդր Լուկաշենկոն ավելի վաղ հայտարարել էր, որ ՀԱՊԿ նոր գլխավոր քարտուղարի հարցն արդեն լուծված է. այդ պաշտոնում նշանակվելու է Բելառուսի ներկայացուցիչը: Հայկական և ռուսական կողմերը, սակայն, հերքեցին այս հայտարարությունը՝ նշելով, որ վերջնական որոշում դեռևս չի կայացվել:
