22.04.2026 | 23:30
ՀՀ տարածքում ավտոճանապարհները հիմնականում անցանելի են
Երևանի քաղաքապետի և նրա տեղակալների աշխատավարձը ցածր է․ «Իմ քայլը» դաշինքի անդամ․ ՏԵՍԱՆՅՈՒԹ
Քաղաքականություն
19.12.2018 | 13:50
«Այն աշխատակազմը, որն այսօր կա Երևանի քաղաքապետարանում, ստանում է շատ ցածր աշխատավարձ՝ այդ թվում և՛ քաղաքապետը, և՛ նրա տեղակալները․ քաղաքապետը ցածր աշխատավարձ է ստանում՝ համեմատած մասնավորի հետ։ Նման աշխատավարձով հնարավոր չէ նորմալ մասնագետներ ընդգրկել քաղաքապետարանի աշխատանքում։ Այս տարվա բյուջեով, երբ ասվում է, որ ծախսերն ավելացվել են, պետք է տեսնել, որ նախատեսվել են ծախսեր, օրինակ, դասընթացների անցկացման համար, որովհետև, երբ շփվել են քաղաքապետարանում աշխատողների հետ, պարզել են, որ ոմանց մոտ անգլերենի և ռուսերենի իմացությունը շատ ցածր մակարդակի վրա է, ուստի բյուջեով նախատեսված ծախսերի մի մասը նախատեսված է աշխատակիցների մասնագիտական որակների բարձրացման համար»,- այսօր «Երևանի 2019 թ-ի բյուջեն. ծախսերի արդյունավետության բարձրացո՞ւմ, թե՞ հետընթաց» թեմայով քննարկման ժամանակ ասաց Երևանի ավագանու «Իմ քայլը» դաշինքի անդամ, Ֆինանսական հանձնաժողովի նախագահի տեղակալ Լևոն Հովհաննիսյանը։
Անդրադառնալով բյուջեով նախատեսված աշխատավարձերի և հավելավճարների համար նախատեսված գումարների չափին՝ Հովհաննիսյանը նկատեց, որ այդ թիվը ուռճացված չէ, քանի որ դեռ կան թաղապետարաններ, որտեղ նոր թաղապետերը նշանակված չեն։
«Մենք անցկացրել են նաև օպտիմիզացիա և գտել ենք հաստիքացուցակի լավագույն բանաձևը, որի պարագայում հնարավոր է շարունակել աշխատանքը։ Իսկ ինչ վերաբերում է պարգևավճարներին, ապա մենք հստակ ֆիքսել ենք, որ երբ աշխատավարձին կից լինում է պարգևավճար, դա բերում է աշխատողի աշխատանքի արդյունավետության բարձրացման։ Սա մոտիվոցիոն ճանապարհ է, որը եթե կիրառենք, բերելու է աշխատանքի էֆեկտիվության բարձրացման»,- ասաց Հովհաննիսյանը։
Մանրամասները՝ տեսանյութում։
Աղավնի Սուքիասյան
