02.03.2026 | 13:27
ԱԽ-ն աշխատում է. ՊՆ փոխնախարարը` Մերձավոր Արևելքում ստեղծված իրավիճակի մասին․ ՏԵՍԱՆՅՈՒԹ
Նախագահական ընտրությունների արդյունքները չեղարկելու հարցով Վրաստանի ընդդիմությունը ՄԻԵԴ կդիմի
Քաղաքականություն
19.12.2018 | 12:19
Թբիլիսիի Վերաքննիչ դատարանն ուժի մեջ է թողել առաջին ատյանի դատարանի որոշումը, որը մերժել էր նոյեմբերի 28-ի նախագահական ընտրությունների արդյունքները չեղարկելու մասին «Միացյալ ազգային շարժում» կուսակցության հայցը: Այս մասին հաղորդում է «Գրուզիա օնլայնը»:
Կուսակցության առաջնորդներից Թինաթին Բոկուչավան հայտնել է, որ ընտրությունների արդյունքների չեղարկման հարցով դիմելու են Մարդու իրավունքների եվրոպական դատարան: «Միացյալ ազգային շարժումն» ընտրությունների արդյունքների չեղարկման հայց էր ներկայացրել դատարան՝ ընտրակաշառքի և ընտրողների վրա ճնշում գործադրելու հիմնավորմամբ:
«Հույս ունենք, որ Ստրասբուրգի դատարանն արդարացի որոշում կկայացնի և կչեղարկի իշխանությունների կողմից մեզանից խլված ընտրությունների արդյունքները»,- ասել է Բոկուչավան:
Հիշեցնենք, որ նոյեմբերի 28-ին կայացած նախագահական ընտրությունների երկրորդ փուլի արդյունքներով հաղթող իշխող կուսակցության աջակցությունը վայելող թեկնածուն՝ Սալոմե Զուրաբիշվիլին՝ հավաքելով 59.52% ձայն: Ընդդիմության թեկնածու Գրիգոլ Վաշաձեն 40.48% ձայն ստացավ: Վաշաձեն կընդունեց պարտությունը՝ հայտարարելով, որ քվեարկությունն անցկացվել է իշխանությունների ճնշման ներքո:
Մինչ այդ, Սալոմե Զուրաբիշվիլին դեկտեմբերի 16-ին Թելավիում երդվեց և ստանձնեց երկրի ղեկավարի լիազորությունները:
