12.10.2026 | 19:04
Միլիոններ՝ բյուջեի հաշվին․ ավագանու ՔՊ-ական անդամի ընկերությունը պայմանագրեր է կնքում համայնքի հետ. ՏԵՍԱՆՅՈՒԹ
Վալերի Օսիպյանի գլխավորած պատվիրակությունն այցելել է Վրաստանի ՆԳՆ տարբեր ծառայություններ
Հասարակություն
18.12.2018 | 19:00
Պաշտոնական այցի շրջանակում հայկական պատվիրակությունը՝ ՀՀ ոստիկանության պետ Վալերի Օսիպյանի գլխավորությամբ եղավ Վրաստանի ներքին գործերի նախարարության օպերատիվ կառավարման միասնական կենտրոնում:
Ստորաբաժանման ղեկավարությունը ներկայացրել է ծառայության բնույթն ու գործառույթները, ինչից հետո հյուրերը շրջել են կենտրոնում:
Վրաստանի ներքին գործերի նախարարության օպերատիվ կառավարման միասնական կենտրոնը գործում է 2016 թվականից: Հենց այստեղից են ղեկավարվում և համակարգվում հանրապետության փողոցներում տեղադրված տեսախցիկները:
Ի դեպ, տեսախցիկները ոչ միայն արձանագրում են խախտում կատարած մեքենաների համարանիշերը, այլև հնարավորություն ունեն նույնականացնելու խցիկի տեսադաշտում հայտնված քաղաքացուն՝ ցույց տալով նրա անհատական տվյալները:
Ծրագրվում է շուրջ մեկ տարի հետո տեսախցիկները թիվը հասցնել 4000-ի, ինչը թույլ կտա ավելի արդյունավետ դարձնել երթևեկության վերահսկումը, հասարակական կարգի պահպանությունն ու պայքարը հանցավորության դեմ:
Նույն օրը ՀՀ ոստիկանության պատվիրակությունը այցելել է նաև Վրաստանի ներքին գործերի նախարարության ծառայության գործակալության Ռուսթավիի կոնտրոն: Գործակալության ղեկավարությունը ներկայացրել է ստորաբաժանման գործառույթները:
Պատվիրակության անդամները ծանոթացել են ծառայության գործակալության տեխնիկական հագեցվածությանը, տրանսպորտային միջոցների հաշվառման, համարանիշերի տրամադրման աշխատանքին:
Ծառայության գործակալության այսպիսի կենտրոններում են տրվում նաև վարորդական վկայականները: Հայկական պատվիրակությանը ներկայացվել է նաև դրանց տրամադրման փուլերն ու գործընթացը:
Վրաստանի Հանրապետությունում գործում է նման 11 կենտրոն, ինչը դյուրացնում է հանրությանը ծառայություններ մատուցելու գործընթացը, արդյունավետ դարձնում իրավապահների աշխատանքը, բացառում անհարկի հապաղումներն ու քաղաքացու ժամանակի կորուստը:
