20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Թուրքիայի, Իրանի և Ռուսաստանի արտգործնախարարները կհանդիպեն սիրիական հարցի շուրջ
Քաղաքականություն
18.12.2018 | 15:00
Դեկտեմբերի 18-ին Ժնևի ՄԱԿ-ի գրասենյակում Թուրքիայի, Իրանի և Ռուսաստանի արտգործնախարարները կհանդիպեն սիրիական հարցի շուրջ կայուն լուծում գտնելու նպատակով. փոխանցում է ermenihaber-ը:
Սիրիայի հարցով ՄԱԿ-ի հատուկ դեսպանորդ Ստեֆան դե Միստուրայի գլխավորած հանդիպմանը սպասվում է, որ կողմերը կհայտարարեն սահմանադրական հանձնաժողովի ստեղծման մասին:
Նշենք, որ 2018թ. հունվարին Սոչիում ՄԱԿ-ի, Իրանի, Ռուսաստանի ներկայացուցիչներն ու սիրիական կողմ որոշել էին սահմանադրական հանձնաժողով ստեղծել:
ՄԱԿ-Ի ԱԽ-ի թիվ 2254 բանաձևի շրջանակում քաղաքական անցումային գործըթացում նախատեսված էր փոխել Սիրիայի սահմանադրությունը:
150 հոգուց ձևավորվելիք սահմանադրական հանձնաժողովում նախատեսվում էր 50 հոգի Սիրիայի իշխանություններից, 50 հոգի ընդդիմությունից, իսկ մյուս 50-ի կազմում` սիրիացի մտավորականներ, հասարակական կազմակերպությունների ներկայացուցիչներ:
Դե Միստուրան տարվա ընթացքում հանդիպումներ է ունեցել երաշխավոր երկրների, Սիրիայի իշխանությունների և ընդդիմության պատվիրակների հետ:
Թուրքիան հանդիպումների ընթացքում նշել էր, որ հանձնաժողովը պետք է լինի «հավասարակշիռ և իրավասու»:
Իսկ հոկտեմբերի 27-ին Ստամբուլում կազմակերպված Սիրիայի հարցով գագաթնաժողովին Թուրքիայի, Ռուսաստանի, Գերմանիայի և Ֆրանսիայի ղեկավարները համաձայնության էին եկել մինչև դեկտեմբրի 31-ը սահմանադրական հանձնաժողով ձևավորելու շուրջ:
