14.06.2026 | 23:18
Գիշերվա կեսին գողացան ժողովրդի քվեն. Տոնոյանը` ԿԸՀ-ի որոշման մասին. ՏԵՍԱՆՅՈւԹ
Երևանի քաղաքապետը և ՀՀ-ում ԻԻՀ դեսպանը քննարկել են երկու երկրի խոշոր քաղաքների միջև համատեղ մշակութային, բիզնես ծրագրերի իրականացմանը վերաբերող հարցեր
Տնտեսություն
18.12.2018 | 12:02
Երևանի քաղաքապետ Հայկ Մարությանը հյուրընկալել է Հայաստանի Հանրապետությունում Իրանի Իսլամական Հանրապետության արտակարգ և լիազոր դեսպան Սեյեդ Քազեմ Սաջադիին. տեղեկացնում են Երևանի քաղաքապետարանից:
Ողջունելով հյուրին՝ քաղաքապետը կարևորել է համագործակցության խորացումը Իրանի քաղաքների հետ և վստահություն հայտնել, որ երկու երկրներում հավատարմագրված դեսպանները նպաստում են այդ կապերի ամրապնդմանը:
Իր հերթին դեսպան Սաջադին շնորհավորել է քաղաքապետին՝ պաշտոնն ստանձնելու կապակցությամբ, ինչպես նաև շնորհավորել է երևանցիների գալիք ամանորյա տոները: Դեսպանը գոհունակությամբ նշել է, որ Իրանի հետ անցագրային ռեժիմի ազատականացումից հետո իրանցի զբոսաշրջիկների հոսքը Երևան աշխուժացել է, ակտիվացել են նաև հայաստանցիների այցելությունները բարեկամ Իրան:
Նշելով, որ երկու հինավուրց ազգերը կապված են ամուր կապերով՝ զրուցակիցները քննարկել են Հայաստանի և Իրանի խոշոր քաղաքների, այդ թվում՝ մայրաքաղաքների միջև համատեղ մշակութային, բիզնես ծրագրերի իրականացմանը վերաբերող հարցեր:
