19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
«Միքայել Մինասյանի ազդեցությունը քաղաքական դաշտում ի՞նչ է, որ մենք իր հետ ինչ-որ կապ ունենանք, միգուցե նա՞ փորձի մեզ հետ ինչ-որ կապ ունենալ»․ Գևորգ Գորգիսյան. ՏԵՍԱՆՅՈՒԹ
Քաղաքականություն
17.12.2018 | 19:30
Factor.am-ի զրույցը ԱԺ ԼՀԿ խմբակցության անդամ Գևորգ Գորգիսյանի հետ
-Այս օրերին բուռն քննարկվում է ձեր կուսակցության ղեկավարի և ԲՀԿ-ի միջև առճակատումը։ Էդմոն Մարուքյանին արդեն պատասխանել է ԲՀԿ-ի մամուլի խոսնակը։ Ձեզ բավարարու՞մ է այդ պատասխանը։
-Ես հպանցիկ եմ նայել խոսնակի պատասխանը։ Հասարակությունը պետք է որոշի՝ բավարարո՞ւմ է, թե՝ ոչ։ Մենք մնում ենք այն կարծիքին, որ օլիգարխիան պետք է արմատախիլ արվի քաղաքականությունից, որովհետև քաղաքական դաշտը ապականվել է և ծառայել կոնկրետ անձանց շահերին։
-ԲՀԿ-ից ասում են, որ Ծառուկյանն օլիգարխ չէ, որովհետև երբեք պետական պաշտոն չի ունեցել։
-Դա թողնենք թող հասարակությունը որոշի։ Ինչպես պարոն Մարուքյանը երեկ նշեց, մենք ներել ենք նրանց և աղոթելու ենք նրանց համար։
-Ինչու՞ են ձեր քաղաքական ուժին անընդհատ կապում Միքայել Մինասյանի հետ։
-Որովհետև ուրիշ որևէ այլ թերություն մեր մեջ չեն գտել և եթե ուզում ես, որ որևէ մեկը քո մասին վատ բան խոսի, կապիր ինչ-որ վատ մարդու հետ։ Նայեք, խոսում ենք նախկին իշխանության մասին, որն այլևս գոյություն չունի, նույնիսկ քաղաքական դաշտում նրանք այլևս չեն երևում, նրա ղեկավարի մասին, որը, ըստ խոսակցությունների, հրաժարվելու է իր ղեկավարությունից, փեսայի մասին, որն արդեն դեսպան էլ չէ։ Նրա ազդեցությունը քաղաքական դաշտում ի՞նչ է, որ մենք իր հետ ինչ-որ կապ ունենանք։ Միգուցե նա՞ փորձի մեզ հետ ինչ-որ կապ ունենալ, որ մենք փորձենք աջակցել, թույլ չտանք, որ հետապնդումների ենթարկվի և այլն։ Այսինքն, հակառակը կարող է լինել, բայց մենք որևէ կերպ չենք կարող լինել նրա հետ։ Ցավում եմ, որ մեր մամուլը գնում է բամբասանքների հետևից, որովհետև նման բաներին պետք է հետևեն փաստեր։ Չկան այդ փաստերը։
Մանրամասները՝ տեսանյութում:
Մհեր Արշակյան
