18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Ալավերդու գործարանի աշխատակիցների պայմանագրերի լուծման ծանուցագրերի փոխանցումը 2 ամսով կհետաձգվի. Արեն Մկրտչյան
Հասարակություն
17.12.2018 | 14:20
Կառավարության և ACP ընկերության բանակցությունների արդյունքում որոշում է կայացվել աշխատակիցների աշխատանքային հարաբերությունների լուծման ծանուցագրերի փոխանցումը հետաձգել երկու ամսով՝ առ 2019թ. փետրվարի 28-ը: Ֆեյսբուքյան գրառմամբ այս մասին տեղեկացրել է վարչապետի պաշտոնակատար Նիկոլ Փաշինյանի՝ կոռուպցիայի դեմ պայքարի գծով օգնական Արեն Մկրտչյանը:
«Սիրելի ալավերդցիներ, ինչպես գիտեք, «Արմենիան Քափըր Փրոգրամ» ՓԲ ընկերությունը մինչև 2018թ. հոկտեմբերի ավարտը աշխատակիցներին ուղարկել էր աշխատանքային պայմանագրերի լուծման մասին ծանուցումներ, ըստ որի՝ աշխատանքային հարաբերությունների լուծում նախատեսվում էր իրականացնել 2018 թվականի դեկտեմբերի 24-ից հետո՝ 5 օրվա ընթացքում։ Կառավարության և ACP ընկերության բանակցությունների արդյունքում որոշում է կայացվել աշխատակիցների աշխատանքային հարաբերությունների լուծման ծանուցագրերի փոխանցումը հետաձգել երկու ամսով՝ առ 2019թ. փետրվարի 28-ը: Հուսով ենք՝ կառավարության և ACP ընկերության բանակցությունները կշարունակվեն կառուցողական մթնոլորտում՝ ի շահ ալավերդցու, լոռեցու և Հայաստանի Հանրապետության: Ալավերցիներ ջան, դուխներդ տեղը, գլուխներդ բարձր, քանզի ձեր կողքին ամուր կանգնած է մի ողջ կառավարություն»,- գրել է Արեն Մկրտչյանը:
