16.11.2024 | 17:29
Պուտինի և Շոլցի հեռախոսազրույցը տևել է մեկ ժամ
Տաջիկստանի նախագահն իր աջակցությունն է հայտնել Զասի թեկնածությանը ՀԱՊԿ գլխավոր քարտուղարի պաշտոնում
Քաղաքականություն
15.12.2018 | 11:48
Տաջիկստանի նախագահ Էմոմալի Ռահմոնը հանդիպել է Բելառուսի Անվտանգության խորհրդի պետքարտուղար Ստանիսլավ Զասի հետ ու պատրաստակամություն հայտնել աջակցել ՀԱՊԿ գլխավոր քարտուղարի պաշտոնում նրա թեկնածությանը: Նման տեղեկություն է հրապարակվել Ռահմոնի պաշտոնական կայքում. հայտնում է belta.by-ը:
Կողմերը վստահություն են հայտնել առ այն, որ տարածաշրջանային անվտանգության և կայունության ապահովման համար անհրաժեշտ է ՀԱՊԿ շրջանակում կնքված համաձայնագրերի իրագործումը:
Հիշեցնենք, որ ավելի վաղ Զասին որպես ՀԱՊԿ գլխավոր քարտուղարի պաշտոնում թեկնածու իր աջակցությունն էր հայտնել նաև Ղազախստանի նախագահ Նուրսուլթան Նազարբաևը. «Դուք զինվորական եք ու համապատասխան կրթություն ունեք: Դուք ծանոթ եք ՀԱՊԿ աշխատանքին, մասնակցել եք տարբեր հանդիպումների ու ժողովների: Մենք կաջակցենք Ձեզ»:
