05.08.2026 | 09:41
Ճամբարակում գազամատակարարման ընդհատումներ կինեն
Մինսկը Երևանին առաջարկել է իր «Պոլոնեզ» համալիրները, բայց Երևանը հրաժարվել է. Լուկաշենկո
Քաղաքականություն
14.12.2018 | 18:51
Բելառուսը Հայաստանին առաջարկել է վաճառել իր «Պոլոնեզ» զենիթահրթիռային համալիրները, որոնք գնել է Ադրբեջանը, սակայն Երևանը հրաժարվել է: Interfax.by-ի փոխանցմամբ՝ լրագրողների հետ հանդիպմանն այս մասին հայտարարել է Բելառուսի նախագահ Ալեքսանդր Լուկաշենկոն:
«Այո՛, ադրբեջանցիները մեզ համար օտար չեն, բայց մենք հայերի հետ միշտ միասին ենք եղել: Եվ պետք չէ մեզ քննադատել, որ Ադրբեջանին զենք ենք վաճատռում: Եվ ինչի՞ համար են քննադատում. հրթիռային համալիրի… Երբ մենք ստացանք «Պոլոնեզ» համալիրները, փորձարկումներին հրավիրեցինք և՛ հայերին, և՛ ադրբեջանցիներին, և՛ ռուսաստանցիներին»,- ասել է Բելառուսի նախագահը:
Նրա խոսքով՝ փորձարկումների ժամանակ ադրբեջանական կողմը համոզվեց այդ սպառազինության բարձր ճշգրտության հարցում և խնդրեց վաճառել:
«Իսկ մենք պետք է վերադարձնենք վարկը, մեզ չինացիները դրա համար վարկ են տվել… Ես Ադրբեջանին առաջարկեցի՝ լա՛վ, ես կվաճառեմ ձեզ համալիրը, իսկ հայերին ասացի՝ պատրաստ եմ ձեզ նույնպես նման համալիրներ մատակարարել: Հայերը հրաժարվեցին՝ ասելով, որ ռուսական «Իսկանդեր» ունեն»,- հավելել է Լուկաշենկոն:
Նա նաև հիշեցրել է, որ Ադրբեջանի հետ սպառազինության առքուվաճառքի առումով Բելառուսը «չորրորդ-հինգերորդ տեղում է», իսկ առաջին տեղում, Լուկաշենկոյի տվյալներով, Ռուսաստանն է:
