05.11.2024 | 16:33
ԱՄՆ-ում ընտրատեղամասի աշխատակցին ձերբակալել են՝ ընտրողներին պայթեցնելու սպառնալիքներ ուղարկելու համար
Նախարարներ կան, որ գյուղատնտեսությունն ու սննդարդյունաբերությունն իրարից չեն տարբերում. Հրաչ Բերբերյան․ ՏԵՍԱՆՅՈՒԹ
Տնտեսություն
14.12.2018 | 17:06
«Հայաստանի ագրարագյուղացիական միավորում» ՀԿ-ի նախագահ Հրաչ Բերբերյանը մտահոգված է՝ ինչո՞ւ պետք է մեր երկիր պարարտանյութի ներմուծման հարցով բանակցություններ վարի հասարակական կազմակերպությունը, իսկ չինովնիկների մի խումբ նստած որևէ բանով չզբաղվի։
«Իրանի և Վրաստանի մեր գործընկերների հետ բանակցություններ ենք տանում, որ 40 հազար տոննա պարարտանյութ ներմուծենք Հայաստան, բայց ինչո՞ւ պետք է ՀԿ-ն դրանով զբաղվի, իսկ չինովնիկներն էլ նստած չգտես թե ինչով են զբաղվում։ Ժամանակն է եկել մտածել այս խնդրի կարգավորման մասին և ունենալ ստրատեգիական ծրագիր, մինչդեռ մենք անգամ մինչ այս պահը լոգիստիկ կենտրոն չունենք։ Եկել է ժամանակը, որ ստեղծենք մի հարթակ, որ Իրանից, Թուրքիայից գյուղմթերքը հասնի Հայաստան, փաթեթավորվի, որից հետո նոր տեղափոխվի ՌԴ։ Այս հարցում մեծ ներդրումներ են պետք, և կարծում եմ, որ Կառավարությունը մեզ նեցուկ կլինի»,- այսօր հրավիրված մամուլի ասուլիսի ժամանակ ասաց նա:
Հրաչ Բերբերյանն անդրադարձավ նաև գյուղատնտեսության ոլորտում առկա այլ խնդիրների և նշեց, որ դրանց որոշ մասը պայմանավորված է վատ կադրերի առկայությամբ։
«Մեր հիմնական դժբախտությունը վատ կադրերն են․ մարդիկ տեղյակ չեն իրենց գործից, գալիս են ժամանակ անցկացնելու և պաշտոններ գրավելու համար»,-ասաց նա։
Հարցին՝ արդյոք չունի՞ վստահություն, որ ընտրություններից հետո այդ հարցը կկարգավորվի, Հրաչ Բերբերյանն ասաց․ «Կարծում եմ՝ երեկ պարոն Փաշինյանը շատ ճիշտ էր խոսում ԾԻԳ-երի հետ կապված։ Այն վիճակով, որոնք հիմա դրանք գործում են, մեզ պետք չեն։ Մեզ մոտ նախարարներ կան, որ գյուղատնտեսությունն ու սննդարդյունաբերությունն իրարից չեն տարբերում»։
Մանրամասները՝ տեսանյութում։
Աղավնի Սուքիասյան
