07.04.2026 | 13:35
Դուք համարձակություն ունե՞ք ասել՝ կան ուժեր, որոնք պատրաստվում են գողանալ առաջիկա ընտրությունները․ ՏԵՍԱՆՅՈՒԹ
Ես Պուտինից ներողություն չեմ խնդրել, ներողություն եմ խնդրել Փաշինյանից․ Լուկաշենկո
Քաղաքականություն
14.12.2018 | 15:37
Բելառուսի նախագահ Ալեքսանդր Լուկաշենկոն համոզված է, որ ՀԱՊԿ գլխավոր քարտուղարի պաշտոնում պետք է նշանակվեն ոչ թե թոշակային տարիքի պաշտոնյաները, այլ երիտասարդ և տաղանդավոր գեներալներ, որպեսզի բարձրացնեն այս կազմակերպության կարգավիճակը. գրում է sputnik.by-ը:
Բելառուսի նախագահ Ալեքսանդր Լուկաշենկոն նաև նշել է, որ Հավաքական անվտանգության պայմանագրի կազմակերպության (ՀԱՊԿ) գլխավոր քարտուղարի նշանակման շուրջ «շիլաշփոթ» է ստեղծել ՀՀ վարչապետ Նիկոլ Փաշինյանը:
Միևնույն ժամանակ Լուկաշենկոն խոստովանել է, որ Փաշինյանից ներողություն է խնդրել ՀԱՊԿ գլխավոր քարտուղարի պաշտոնի շուրջ վեճի համար:
«Պուտինից ներողություն չեմ խնդրել: Ներողություն եմ խնդրել Նիկոլ Փաշինյանից նրա համար, որ ՀԱՊԿ-ի շուրջ վեճ է եղել»,- ասել է Լուկաշենկոն:
Լուկաշենկոյի խոսքով, երբ Փաշինյանն իրեն է զանգահարել, ինքը հարցրել է՝ ինչու է նա Խաչատուրովին քաղաքական դրդապատճառներով կալանավորել:
«Ես նրան ասացի, որ չեմ աջակցում քաղաքական դրդապատճառներով ձերբակալությունները»,- նշել է Լուկաշենկոն:
Բացահայտելով Սանկտ Պետերբուրգում փակ դռների հետևում ԵՏՄ պետությունների ղեկավարներ քննարկումը, Լուկաշենկոն նշել է, որ և՛ Ռուսաստանի, և՛ Ղազախստանի նախագահները Փաշինյանին մեկ հարց են տվել՝ ինչու նա չի զանգահարել ու չի խորհրդակցել կարևոր որոշում կայացնելուց առաջ. «Չէ՞ որ խնդիր մենք չէինք ստեղծել, այլ Փաշինյանը»:
