02.04.2026 | 16:33
Ամենաշատ գումար վաստակած բռնցքամարտիկները պատմության մեջ
Բուդապեշտում բողոքի ակցիան ավարտվել է իրավապահների հետ բախումներով. ԼՈՒՍԱՆԿԱՐՆԵՐ
Քաղաքականություն
14.12.2018 | 13:42
Հունգարիայի աշխատանքային օրենսգրքում փոփոխությունների դեմ Բուդապեշտում կազմակերպված բողոքի ակցիան ավարտվել է ոստիկանության և ցուցարարների միջև բախումներով: Այս մասին գրում է ՌԻԱ Նովոստին՝ վկայակոչելով Daily News Hungary-ն:
Ուսանողական կազմակերպությունների նախաձեռնած ցույցը սկզբում խաղաղ բնույթ է կրել: Ակցիայի մասնակիցները քայլերթով շարժվել են Բուդապեշտի փողոցներով և մտել խորհրդարանի շենք:
Ցուցարարներից ոմանք դիմակներով են եղել, չնայած կազմակերպիչները հորդորել են չծածկել դեմքերը: Ցուցարարների ագրեսիվ պահվածքին ի պատասխան՝ ոստիկանությունն արցունքաբեր գազ է կիրառել:
Չորեքշաբթի երկրի խորհրդարանը կողմ է քվեարկել աշխատանքային օրենսգրքում փոփոխություններին, որոնք ընդդիմադիր կուսակցությունները «ստրկատիրական» են կոչել: Փոփոխությունների համաձայն՝ ծրագրվում է ավելացնել թույլատրելի աշխատաժամանակը՝ այն հասցնելով տարեկան 400 ժամի և մինչև երեք տարով երկարաձգել ժամկետը, երբ գործատուները պարտավոր են վճարել հավելյալ աշխատաժամի համար:
