22.04.2026 | 23:30
ՀՀ տարածքում ավտոճանապարհները հիմնականում անցանելի են
Խնդիր չի դրվել, որ ով որքան ձայն ստանա, դրան հավասար պաշտոն կստանձնի. Արայիկ Հարությունյան. ՏԵՍԱՆՅՈՒԹ
Քաղաքականություն
13.12.2018 | 13:16
Կրթության և գիտության նախարարի պաշտոնակատար Արայիկ Հարությունյանը լրագրողների հարցին, թե ինչպես ստացվեց, որ նախորդ տարիներին ընտրություններում կրկնակի քիչ ձայն էր հավաքել, քան այս տարի, պատասխանեց․ «Ես այդ ընտրատարածքում համապատասխան օլիգարխների կողմից համատարած ընտրակաշառք բաժանելու պարագայում ստացել էի 4 հազար ձայն, իսկ այս անգամ ստացել եմ 14 հազար քվե»:
Հիշեցնենք, որ Հարությունյանն առաջադրվել էր Երևանի Շենգավիթ և Մալաթիա-Սեբաստիա վարչական շրջաններն ընդգրկող թիվ 3 ընտրատարածքում։ Գրանցած ցուցանիշը, Հարությունյանի խոսքերով, շատ լավ գնահատական է իր կատարած աշխատանքի համար և լրացուցիչ մոտիվացիա՝ կրկնակի արդյունավետությամբ ու ջանքով աշխատելու համար:
Հարցին, թե բավարար է արդյոք այդքան ձայնը, օրինակ, ԱԺ-ում խմբակցության ղեկավար դառնալու համար, ԿԳ նախարարի պաշտոնակատարը նշեց, որ նման խնդիր դրված չի եղել, առևտուր չի գնում։
Լիլիթ Շաբոյան
