30.03.2026 | 17:44
Վարչապետի գլխավորությամբ քննարկվել են հարկային քաղաքականության բարեփոխումներին ուղղված հարցեր
Էն պաշտոնյաները, որոնք պարզվի, որ հանձնարարականները չեն կատարել, էսօրվանից թող վեշերը հավաքեն, գնան իրենց գործին․ Նիկոլ Փաշինյան․ ՏԵՍԱՆՅՈՒԹ
Քաղաքականություն
13.12.2018 | 14:59
Վարչապետի պաշտոնակատար Նիկոլ Փաշինյանն այսօր գործադիրի նիստում անդրադարձավ պետական կառավարման ապարատում աշխատողների մասնագիտական կարողությունների և աշխատավարձերի բարձրացման խնդրին և նշեց․
«Պարզվում է՝ մեր երկիրը կառավարվում է ԾԻԳ-իզմի, ՊՈԱԿ-իզմի, Հիմնադրամ-իզմի տրամաբանությամբ և ամեն անգամ, հենց հերթը հասնում է խնդիրը լուծելուն, պարզվում է, որ նորից պետք է քննարկենք․ ոչ մի բան էլ նորից չենք քննարկելու։ Էդ ի՞նչ է ԾԻԳ-ը, պադավա՞տ է, կոռուպցիա՞ է, հեսա հերթով այդ կոռուպցիայի օջախները կբացահայտվեն։ Եթե ասում են, որ նախարարությունների աշխատողները կարողություններ չունեն, թող նախարարությունները լուծարեն․ ինչի՞ համար ենք պահում այս պետական կառավարման համակարգը ու աշխատողներին բաժանել ենք սորտերի։ Հետո էլ ասում ենք՝ պետական կառավարման ապարատում աշխատավարձերը բարձրացնեն․ ո՞նց բարձրացնենք, երբ կան պետական կառավարման համակարգեր, երբ մարդիկ ստանում են 10 անգամ բարձր աշխատավարձ։ Այս թեմայով կայացվել է քաղաքական որոշում, մենք անդրադարձել ենք բոլոր ոլորտների բյուջետային հայտերին, և այն պաշտոնյաները, որոնք պարզվի, որ տրված հանձնարարականները չեն կատարել, էսօրվանից թող վեշերը հավաքեն, գնան իրենց գործին»։
Մանրամասները՝ տեսանյութում։
Աղավնի Սուքիասյան
