11.12.2024 | 16:24
Կանցկացվի «Տարեհաց» խորագրով Ամանորի ուտեստների տոնավաճառ
Թրամփին կարող են մեղադրանք առաջադրել. նրան կրկին հիշեցրել են արտամուսնական կապերի մասին
Քաղաքականություն
10.12.2018 | 14:53
ԱՄՆ Կոնգրեսն իրավունք ունի գործող նախագահի իմպիչմենթի գործընթաց սկսել, եթե ապացուցի, որ 2016 թվականի նախագահական ընտրարշավի ժամանակ նա անձամբ է իրավաբան Մայքլ Քոենին հանձնարարել վճարել նախկին պոռնոդերասանին և նախկին ֆոտոմոդելին՝ Դոնալդ Թրամփի հետ ինտիմ կապերի մասին լռելու դիմաց: ՏԱՍՍ-ի փոխանցմամբ՝ այս մասին CNN-ի եթերում հայտարարել է ԱՄՆ Կոնգրեսի ստորին պալատի իրավաբանական հանձնաժողովի անդամ, դեմոկրատ Ջերոլդ Նադլերը:
Նրան հարցրել են, որ եթե ապացուցվի, որ անցյալ շաբաթ Նյու Յորքի դատախազության և հատուկ դատախազ Ռոբերտ Մյուլլերի հրապարակած նյութերը միայն ենթադրություն չեն, արդյո՞ք դրանք իմպիչմենթի գործընթաց սկսելու հիմք կարող են դառնալ, կոնգրեսականը պատասխանել է. «Նման իրավախախտումներն իմպիչմենթի են հանգեցնում: Այլ հարց է, թե որքանո՞վ են լուրջ այդ իրավախախտումները՝ իմպիչմենթի գործընթաց սկսելու համար»:
Նադլերը պարզաբանել է, որ հիմա դատախազությունը, Ռոբերտ Մյուլլերն ու Կոնգրեսը պետք է կարողանան լիարժեք բացահայտել տեղի ունեցածը, քանի որ Թրամփը կարող էր մեքենայություններ կատարել 2016 թվականի ընտրությունների ընթացքում, եթե ընտրողներից թաքցրել է քվեարկության ելքի վրա ազդող փաստեր:
Նշենք, որ անցյալ ուրբաթ դաշնային դատախազությունը Նյու Յորքի դատարան փաստաթղթեր է ուղարկել, որոնցից հետևում է, որ փաստաբան Քոենը երկու կանանց վճարել է մի անձի հրահանգով, որն «այդ ժամանակ մասնակցել է ԱՄՆ նախագահական ընտրարշավին, իսկ հետագայում զբաղեցրել է Սպիտակ տան ղեկավարի պաշտոնը»:
Փաստաթղթերում Դոնալդ Թրամփի անունն անմիջականորեն չի նշվում, սակայն, The New York Times-ի և Associated Press-ի հավաստմամբ, խոսքը հենց ԱՄՆ գործող նախագահի մասին է: Թրամփն ավելի վաղ հերքել է, որ տեղյակ է վճարումների մասին՝ պնդելով, որ Քոենն ինքնուրույն է գործել:
