Քաղաքականություն
10.12.2018 | 01:53Հայաստանը ժողովրդավարական երկիր է, և ցանկացած մարդ կարող է կազմակերպել հավաքներ։
Այս մասին այսօր «Իմ քայլը» դաշինքի շտաբում Factor.am-ի հարցին՝ ինչպե՞ս եք վերաբերվում Ռ․ Քոչարյանի համար հանրահավաքային պայքար սկսելու նրա կողմնակիցների որոշմանը, ասաց վարչապետի պաշտոնակատար Նիկոլ Փաշինյանը։
Դիտարկմանը, որ Ռ․ Քոչարյանն իր կալանավորումը վենդետայի արդյունքն է համարում, Նիկոլ Փաշինյանն ասաց․ «Չեմ կարծում, թե Ռ․ Քոչարյանը մեղադրվում է ինչ-որ կոնսպերատիվ գործունեության համար։ Եկեք մամուլը մոնիտորինգ անենք, տեսնենք, թե ի՞նչ է գրել տասը տարի շարունակ։ Հիմա ինչո՞ւ չի քննարկվում քննչական խմբի ղեկավարի հարցը, որը ապացույցներ կեղծող թիվ մեկ պաշտոնյան է․ հիմա դա վենդետա է, թե՞ ոչ։ Որ տասը քաղաքացիների սպանում են, դա վենդետա չի, իսկ որ քրեական գործը բացահայտում են, դա արդեն վենդետա՞ է»։
Մանրամասները՝ տեսանյութում։
