28.09.2026 | 17:10
Նեթանյահուն հրահանգել է Էրդողանի դեմ հայց պատրաստել՝ Միջազգային քրեական դատարան ուղարկելու համար
10/49 ընտրատեղամասում քվեաթերթիկների հաշվարկը կատարվում է խախտումներով. ՏԵՍԱՆՅՈՒԹ
Քաղաքականություն
09.12.2018 | 23:07
10/49 ընտրատեղամասում քվեաթերթիկների հաշվարկը կատարվում է օրենքի կոպտագույն խախտմամբ։ Քվեաթերթիկները քվեատուփից հանձնաժողովի նախագահից զատ հանում է նաև մեկ այլ անձ։ Ուշագրավն այն է, որ հանձնաժողովի նախագահն այդ խախտման վրա աչք էր փակում, իսկ հանձնաժողովի մյուս անդամները խրախուսում էին այդ խախտումը:
Մեր արձագանքից հետո էլ շարունակում էին պնդել, որ այդպես ավելի արագ է գործն առաջ գնում։ Երբ սկսեցինք նշյալ խախտումը նկարահանել, կողմնակի անձն արձագանքեց.
«Ես խախտու՞մ եմ անում, որ նկարում ես։ Ես էլ գործ չունեմ, դուք՝ ձեր յաշիկը»,- ասաց նա։
Այնուհետ, երբ հանձնաժողովի քարտուղարը ևս բարձրաձայնեց խախտման մասին և հայտարարեց, որ միայն հանձնաժողովի նախագահն իրավունք ունի հատ-հատ հանել քվեաթերթիկները, հանձնաժողովի նախագահ տիկին Իշխանյանը վրդովվեց: «Դե համբերությամբ սպասեք»,-ասաց նա՝ նկատի ունենալով, որ եթե կարգը խախտեին, ավելի շուտ տուն կգնային։
Այնուհետ միջամտեց մեկ այլ հանձնաժողովական և հանցագործության մասին հայտարարություն արեց. «Միշտ էլ այդպես ենք արել, թող միասին հանեն»։
Նշենք, որ այս ընտրատեղամասում ամեն ինչ չէ, որ հարթ է ընթանում։ Քիչ առաջ Factor.am-ը գրել էր, որ 10/49-ի հանձնաժողովականները չեն տիրապետում տարրական գիտելիքների և դահլիճի մի ծայրից մյուս ծայրում գտնվող 10/50-ի անդամներից քայլերի հաջորդականությունն են հարցնում:
Մանրամասները՝ տեսանյութում:
Հայկ Վարդանյան
