18.12.2025 | 22:49
Համբերությունը սպառվում է. Թուրքիան զգուշացրել է Սիրիայի քրդական ուժերին
Փաշինյանը, որ եկավ, ես ոստիկաններին ասացի՝ ընտրողներին ներս չթողնել. հանձնաժողովի նախագահը՝ կուտակումների մասին. ԼՈՒՍԱՆԿԱՐՆԵՐ
Քաղաքականություն
09.12.2018 | 14:56
Երևանի Շենգավիթ վարչական շրջանում գտնվող 8/16 ընտրատեղամասում կուտակումներ են: Ընտրատեղամասը տեղակայված է թիվ 133 մանկապարտեզի շենքում:
Մեր նկարահանումների պահին ընտրատեղամասում 25-30 ընտրող կար, բայցի հանձնաժողովի անդամները: Թեև առավելագույնը պետք է լինի 15 հոգի, եթե հանձնաժողովի նախագահը ընտրատեղամասում գտնվող անձանց թվաքանակի հարցը քվեարկության չի դրել: Նշենք, որ այդ դեպքում էլ պետք է հանձնաժողովի կազմի 2/3-ը կողմ լինի նախագահի առաջարկած թվին: Դիտորդներից տեղեկացանք, որ նման հարց չի քննարկվել:
8/16 ընտրատեղամասի հանձնաժողովի նախագահ Կարինե Գևորգյանից Factor.am-ը հետաքրքրվեց, թե կուտակումներն ինչո՞վ են պայմանավորված:
«Կատուակումներն ասեմ, թե ինչի հետ էր կապված: Քիչ առաջ ընտրում էր պարոն Փաշինյանը: Ես ոստիկանների մոտ արձանագրեցի, որ մի քանի րոպեով դադարեցնեն մարդկանց ներս թողնելը՝ դրա համար առաջացավ կուտակում: Սա է խնդիրը»,- ասաց նա: Ի դեպ, հանձնաժողովի նախագահը Նիկոլ Փաշինյանի նախկին հարևանն է:
Հանձնաժողովի նախագահի փոխանցմամբ՝ այս ընտրատեղամասում ընտրելու իրավունք ունի 1896 ընտրող: Այս պահի դրությամբ իր ընտրական իրավունքից օգտվել է 410 քաղաքացի: Կարինե Գևորգյանի փոխանցմամբ ընտրախախտումներ չեն գրանցվել:
«Ոչ մի խախտում, ոչ մի բողոք չի եղել, շատ նորմալ մթնոլորտում ընտրություններն անցնում են»,- եզրափակեց նա:
Հիշեցնենք, որ քիչ առաջ այս ընտրատեղամասում իր քաղաքացիական պարտքը կատարեց ՀՀ վարչապետի պաշտոնակատար Նիկոլ Փաշինյանը: Նրան ուղեկցում էին կինը և դուստրերը:
